Оңтүстік полицейлері қарақшылық шабуыл деректерін әшкереледі

Өткен мерекелік демалыс күндері Оңтүстік Қазақстан облыстық ІІД-нің полицейлері облыс аумағында орын алған қарақшылық шабуыл деректерінің бетін ашты. Сонымен, Оңтүстік Қазақстан облысының Сарыағаш ауданында полицейлер автокөлік жүргізушісіне шабуыл жасады деген күдікпен үш жас жігітті қолға түсірді.Өткен жылдың 30 желтоқсаны күні түнгі уақытта, Сарыағаш АІІБ-ның кезекші бөліміне, Абай-Шардара тас жолының бойында қарақшылық шабуыл орын алғаны жайлы хабарлама келіп түсті. Оқиға орын алған жерге жедел жеткен жедел –тергеу тобы жәбірленушінің сөзі бойынша, 21 сағат 40 минут шамасында маркасы «ВАЗ-2106» автокөлігі жәбірленушінің басқаруындағы «Тайота-Камри» автокөлігінің алдын кесіп тоқтатып, автокөліктен түскен беттерін тұмшалап жапқан үш белгісіз тұлға жәбірленушіге физикалық күш қолданып және қарумен қорқытып, ұрып-соғып, байлап тастағанын, содан соң 5 миллион теңге ақшасын, ноутбук және маркасы «Айфон» ұялы телефонын алып кеткенін анықтады. ОҚО ІІД Криминалдық полиция басқармасының және Сарыағаш АІІБ-ның қызметкерлері бірлесе отырып жүргізген жедел-іздестіру іс-шарасы барысында 1987 жәнге 1991 жылдары туылған Сарыағаш ауданының үш тұрғынын күдікті ретінде құрықтады. Ұсталған үш күдікті қазір кінәларын толық мойындап отыр.
Полицейлер дубинка, ақшаның бір бөлігін және «ВАЗ» автокөлігін айғақ зат ретінде тәркіледі. Күдіктілер қамауға алынды. Аталған жайт бойынша ҚР ҚК-нің 192-бабымен «Қарақшылық» қылмыстық іс қозғалды. Сотқа дейінгі тергеу амалдары жүргізілуде.Ал, Түркістан ҚІІБ-ның қызметкерлері Түркістан қаласының аумағында қарақшылық шабуылдар жасады деген күдікпен 6 адамнан құралған қылмыстық топты құрықтады. Сонымен, 2015 жылдың 21 желтоқсаны күні, Түркістан ҚІІБ-нің кезекші бөліміне, 39-жастағы жергілікті тұрғын шағымданған, ол өз арызында түнгі уақытта беттерін тұмшалап жапқан төрт белгісіз тұлға оның үйіне баса-көктеп кіріп, физикалық күш қолданып және қарумен қорқытып, ақшасын, зергерлік бұйымдары мен ұялы телефонын алып кеткенін мәлімдеген. Жәбірленушіге жалпы 300 мың теңгеден астам шығын келтірген.Түркістан ҚІІБ-ның қызметкерлері жүргізген жедел-іздестіру іс-шарасы барысында 1992, 1994 және 1997 жылдары туылған Түркістан қаласының 6 тұрғынын күдікті ретінде құрықтады. Ұсталған алты күдікті қазір кінәларын толық мойындап отыр.Тергеу барысында ұсталған күдіктілердің 3 қарақшылық жасау дерегіне қатыстылығы анықталды. Жәбірленушілерге келітірілген жалпы шығын көлемі жарты миллион теңгеден астам қаржыны құрап отыр. Күдіктілер қамауға алынды. Айғақ заттар тәркіленді. Аталған жайт бойынша ҚР ҚК-нің 192-бабымен «Қарақшылық» қылмыстық іс қозғалды. Сотқа дейінгі тергеу амалдары жүргізілуде.Тағы да бір қарақшылық шабуыл жасаушы топ Оңтүстік Қазақстан облысының Түлкібас ауданында қолға түсті. 2015 жылдың 26 желтоқсаны күні, Түлкібас АІІБ-нің кезекші бөліміне Тұрар Рысқұлов ауылында қарақшылық шабуыл орын алғаны жайлы хабарлама келіп түсті. Оқиға орнына жеткен полицейлер, 14 сағат 40 минут шамасында беттерін тұмшалап жапқан екі белгісіз тұлға кеңсеге баса-көктеп кіріп, 1986 және 1998 жылы туылған кеңсе қызметкері мен оның інісіне физикалық күш қолданып, ұрып-соғып, байлап тастағанын, содан соң 200мың теңге ақша алып кеткенін анықтады. Жәбірленушілер медициналық көмекке жүгінген. Түлкібас АІІБ-нің қызметкерлері жүргізген жедел-іздестіру іс-шарасы барысында 1997 және 1998 жылдары туылған Шымкент қаласы және Түлкібас ауданының екі тұрғынын күдікті ретінде құрықтады. Полицейлер пышақты айғақ зат ретінде тәркіледі. Қазіргі таңда осы қылмысқа қатысты жан-жақты тергеу жұмыстары жалғасып жатыр, күдіктілердің қарақшылық шабуыл бойынша 2 жайтқа қатыстылығы анықталды. Күдіктілер қамауға алынды. Аталған жайт бойынша ҚР ҚК-нің 192-бабымен «Қарақшылық» қылмыстық іс қозғалды.
Сонымен қатар, Шымкент қаласының Әл-Фараби ауданында полицейлер жалдамалы пәтердің 61-жастағы иесіне шабуыл жасады деген күдікпен29-жастағы облыс орталығының тұрғынын қолға түсірді. Өткен жылдың 22 желтоқсаны күні, түнгі уақытта күдікті егде жастағы әйелге шабуыл жасап, сол аяғына пышақ жарақатын салып, содан соң ақшасын алтын бұйымдары мен ұялы телефонын алып кетіп, жәбірленушіге 100 мың теңгеден астам шығын келтірген. Аталған жайт бойынша ҚР ҚК-нің 192-бабымен «Қарақшылық» қылмыстық іс қозғалды. Күдікті қамаға алынды. Сотқа дейінгі тергеу амалдары жүргізілуде.Атап өтер болсақ, ОҚО ІІД –нің жеке құрамы және күштік құрылымдары жедел жағдайға байланысты пайдалана отырып жүргізілген бірқатар жедел алдын-алу іс-шараларының нәтижесінде қарақшылық деректері 2011 жылдан бері 291 жайтқа, яғни 77,8 пайызға төмендеген. Өткен жылы облыс аумағында орын алған қарақшылық шабуыл бойынша 83 жайт тіркеліп, оның ішінде 61 жайт ашылып, сотқа жолданып, ашылу пайызы 76,3-і құрап отыр.Соңғы бес жылда полицейлер қарақшылық шабуылды кәсіп еткен 70 қылмыстық топты құрықтады. Аталған қылмыстық топтардан шыққан 250-ден астам күдікті тергеу абақтысына жабылып, сотқа жолданды.
Қабылданған шаралардың нәтижесінде қарақшылық шабуыл қылмыстарының саны төмендеді. Сонымен, 2011 жылы адам өлімі орын алған 5 қарақшылық шабуыл жайты, жанар-жағармай құю бекетіне жасалған -4 жайт, тұрғындарға жасалған -69 жайт, жүргізушілерге жасалған -12 жайт, сауда орындары мен дүкендерге жасалған -16 жайт тіркелген болса, ал 2015 жылы адам өлімі орын алған 1 қарақшылық жайты, жанар-жағармай құю бекетіне жасалған -2 жайт, тұрғындарға жасалған -3 жайт, жүргізушілерге жасалған -3 жайт, сауда орындары мен дүкендерге жасалған — 3 қарақшылық шабуыл жайты тіркеліп отыр. Сонымен қатар өткен жылы Оңтүстік Қазақстан облысында жүргізілген тұрғындардың ерікті түрде қару тапсыруы акциясы шеңберінде полицейлер 3830 дана травматикалық қару тәркіледі. Қазіргі уақытта тәртіп сақшылары ерікті түрде қару тапсырған азаматтарға 156 миллион теңгеге жуық сыйақы төледі. Оңтүстікқазақстандық тәртіп сақшылары, құқықбұзушылық пен қылмыстарға қарсы жүргізілетін жедел алдын-алу іс-шараларының нәтижесінде қарақшылық шабуылдар айтарлықтай төмендейді деп үміттенеді.