Шымкент қаласы мәслихатының кезекті сессиясында шаһардың алдағы дамуына тікелей әсер ететін маңызды мәселелер қаралды. Депутаттар күн тәртібіне енгізілген 8 мәселені талқылап, бірқатар стратегиялық шешімдерді мақұлдады. Өз кезегінде мәслихат төрағасы туризм саласын дамыту негізінде бір қатар жобаларды жүзеге асыру керектігін қадап айтты. Отырыстың бірінші мәселесі Тұран ауданы әкімін тағайындау. Мәслихат мінберінде есімі аталып кандидатурасы ұсынылған Біржан Қанатұлы бұған дейін қалалық кәсіпкерлік басқармасының бір қатар салаларында лауазымды қызмет атқарған. Жаңадан құрылған ауданның әлеуетін арттырады деп сенім білдірген депуттар Біржан Әзімбердиевті бір ауыздан қолдады. Келесі мәселе Шымкент қаласы әкімдігінің 2025 жылғы қала бюджетінің атқарылуы жөніндегі есептері қаралып, бюджет қаражатының игерілуі мен даму көрсеткіштерінің орындалу барысы баяндалды. Өз кезегінде мінберден көрінген қалалық қаржы басқармасының басшысы кіріс көзінің артып келе жатқанын алға тартты.
2025 жылы шаһардың әлеуметтік экономикалық дамуында оң динамика қалыптасқан. Дәлірек айтсақ өткен жылы қалалық бюджетке 806,5 млрд тенге бекітіліп бұл көрсеткіш артығымен орындалған көрінеді. Мандат таққан азаматтардың бас қосуында туризм, сыртқы байланыстар және креативті индустрия басқармасының есебі қаралып, туризм әлеуетін арттыру, халықаралық байланыстарды дамыту және креативті индустрияны қолдау бағытында атқарылған жұмыстар туралы есеп тыңдалды. Өз кезегінде мәслихат төрағасы қалаға келетін қонақтардвң санын арттыру қойнауы тарихқа толы Түркістан облысымен тікелей байланысты екенінде алға тартты. Қала тұрғындары санының артыуына байланысты қоғамдық көліктің жетіспеушілігіде күн тәртібіндегі негізгі мәселенің бірі. Осған байланысты қала тұрғындарының әлеуметтік маңызы бар қатынастар тізбесіне қосымша маршруттар енгізу мәселесі сесияда қаралды. Сессия соңында қаланың әлеуметтік дамуына өлшеусіз үлес қосқан бір қатар азаматтар марапат төрінен көрінде. Мәслихат төрағасы Бахадыр Мәдәліұлы тынымсыз тірлігімен тындырымды іс атқарғандарға құрмет граматасын тапсырып ел игілігі жолында аянбай еңбек ете беріңіз дегег тілегін білдірді.
