Көлік кептелісі азайып, қатынас реттелсе, қала тынысы да кеңейе түседі. Бүгінде Шымкенттегі Керім Тіленшин көшесінің көрінісі осындай. Теміржол үстінен өтетін жаңа автокөлік өткелі тұрғындар игілігіне беріліп, қозғалысқа жол ашты.
Алғашқы кезеңде құрылыс аумағы дайындалып, теміржол үстінен өтетін өткелдің негізгі құрылымдарын салу жұмыстары жүргізілді. Жоба аясында жол төсемі төселіп, көлік қозғалысына қажетті инфрақұрылым қалыптасты.
Құрылыс жұмыстарының келесі кезеңінде өткелдің жол бөлігі әзірленіп, қауіпсіздік талаптарына сай қажетті жабдықтар орнатылды. Нәтижесінде 30 қыркүйекте нысанның техникалық ашылуы өтіп, көлік қозғалысына мүмкіндік берді.
