Ауданнан аспайтын мәселені мегаполис мэрі шешуге мәжбүр. Жол, жарық, су ағар, балалар ойын алаңшасына қатысты мәселелер Әл-фараби ауданы аумағында орналасқан 148 мектеп алдында өткен әкімнің халықпен кездесуінде көтерілді. Сондай-ақ Қонаев даңғылы жалғасының созбалаңға салынуы адам оқитын молда кісінің қарсылық көрсетілуінен болған көрінед. Өйткені әкімдік қызметкерлері ол үйге жақындаудан қорқад дейді қала әкімі.
Әл-Фараби ауданындағы тұрғындармен кездесуде әкімге бағытталған сауалдар да, талаптар да аз болған жоқ. Жұртшылық ең алдымен жаңа төселген жолдардың тарлығына тоқталып, бүгінде көлік көбейген заманда мұндай жобалардың ертеңгі күннің мәселесін бүгіннен дайындап жатқанын айтты. Сондай-ақ тұрғындар қызыл сызыққа кірмейтін нысанның бұзылуына қатысты наразылықтарын жеткізіп, заң аясында салынған ғимараттың не себепті сүрілгеніне жауап күтетіндерін мәлімдеді. Жылдар бойы шешімін таппай келе жатқан жер мәселесі де күн тәртібінен түскен жоқ. Құжатсыз жер телімдерінің тағдырына алаңдаған азаматтар бұл түйткілдің созбалаңға салынып кеткенін айтып, нақты шешім талап етті. Ал ойдым-ойдым көшелердің жайы тұрғындардың жүйкесін жұқартқан мәселе ретінде көтерілді. Кейбір көшелерде көлік жүргізу былай тұрсын, жаяу жүрудің өзі мұңға айналғанын айтқан тұрғындар жол сапасына қатысты сындарын жасырмады. Кездесуде көтерілген мәселелер ауданның ең өзекті түйіндерін айқындап берді. Алайда көтерілген мәселе аяқсыз қалмай кезең кезеңімен шешімін таппақ.
