7-8 балдық жер сілкінісінен 120 мың адам панасыз қалуы мүмкін. Бұл жайында аумақтық және азаматтық қорғаныс басқармасының басшысы Қайрат Бекбауов Шымкент қалалық қоғамдық кеңесінің кезекті отырысында айтты. Тұрғындар бұл жағдай да қандай әрекет жасауы қажет? Тағы бір мәселе қалада көлік тұрағын табу қиын. Жол бойында тұратын көліктер кедергісі қандай? Осы және өзге де түйіткілді мәселелер төңірегінде мамандар жауап берді.
Шымкенттегі базарлар жаңарып жатыр. Алайда жаңғырту жұмыстары жүргізіліп жатқанымен, заңсыз сауда мен автотұрақ мәселесі әлі де өзекті. Әл-Фараби ауданының әкімі қоғамдық кеңесте атқарылған жұмыстарды баяндады. Десе де кеңес мүшелері дәл осы түйткілдерді көтерді. Жабайы сауда қашан тоқтайды? Ал көлік қоятын орын тапшылығы қалай шешіледі? Бұл сұрақтарға аудан басшысы былайша жауап берді.
Шымкент қаласында төтенше жағдай кезінде тұрғындарды бірнеше секунд ішінде құлақтандыратын Mass Alert жүйесі толық іске қосылған. Сонымен қатар, көпқабатты тұрғын үйлерге төтенше жағдайда әрекет ету тәртібі көрсетілген ақпараттық тақтайшалар орнатылған. Қалалық жұмылдыру дайындығы, аумақтық және азаматтық қорғаныс басқармасы жыл басынан бері жүргізілген оқу-жаттығулар мен азаматтық қорғаныс шаралары туралы баяндап, төтенше жағдайдан зардап шеккен тұрғындарға заң аясында қажетті көмек көрсетілетінін мәлімдеді.
