31 мамыр – Дүниежүзілік темекісіз күн» Осы күнге орай Шымкент қаласы Денсаулық сақтау басқармасының «Психикалық денсаулық орталығы” дөңгелек үстел өткізді. Іс-шара темекі шегуге және оның салдарына қарсы күресте түрлі кәсіби және мемлекеттік ұйымдардың күш-жігерін біріктіруге бағытталған. Жалпы Дүниежүзілік денсаулық сақтау ұйымының мәліметінше, шылым шегудің салдарынан жыл сайын 8 миллионнан астам адам өмірден ерте озады. Көрсеткіш жол-көлік апатынан, ЖИТС-тен немесе есірткіден көз жұмғандардың санынан көп.
Іс-шара темекі шегуге және оның салдарына қарсы күресте түрлі кәсіби және мемлекеттік ұйымдардың күш-жігерін біріктіруге бағытталған. Іс-шараға психиатрлар, наркологтар, ішкі істер департаментінің өкілдері, жастар және ЖИТС орталықтарының мамандары, сондай-ақ білім және денсаулық сақтау басқармасының өкілдері қатысты.
Дүниежүзілік денсаулық сақтау ұйымы 1988 жылы бекіткен Дүниежүзілік темекісіз күні темекіні тұтынумен байланысты мәселелерге назар аударуды және темекі эпидемиясына қарсы күш-жігерді жұмылдыруды мақсат етеді. ДДҰ мәліметтері бойынша, жыл сайын темекі шегуге байланысты аурулардан 8 миллионнан астам адам қайтыс болады, олардың 1,2 миллионы темекі шекпейтіндер, темекі шегудің қайталама әсеріне ұшырайды. Бұл оқиға халықтың денсаулығын жақсарту және темекі шегу деңгейін төмендету жолындағы маңызды қадам болмақ.
Дөңгелек үстел барысында қатысушылар өзекті мәселелерді талқылап, тәжірибе алмасады және темекі шегу деңгейін төмендету бойынша бірлескен ұсыныстар әзірледі. Балалар мен жастарға арналған профилактикалық бағдарламаларға, құқық қолдану шараларына және никотинге тәуелділікті емдеудің медициналық аспектілеріне ерекше назар аударылды.
