Түркістан облыстық мәслихатының депутаты Ордабасы ауданындағы саяси партияның филиалында қоғамдық қабылдау өткізді. «Өңірдегі өзекті мәселелер — шешілуімен құнды»,- деген Дулат Әбіш жергілікті азаматтардың мәселесін тыңдап, кеңес берсе, кейбірі бойынша жауапты орындарға хабарласып, қабылдау барысында шешімін тапты.
Бибарыс Рыскұлбек Бөген ауылындағы шаруа қожалықтарының егістік науқанында тиісті деңгейде ағын сумен қамтамасыз етілу мәселесін көтерді.
Садуардин Исақ ақсақал — Аққойлы, Жусансай, Сарытоғай ауылдарында 2019 жылы құрылысы басталып, сол жылы бітуі тиіс ФАП құрылысын айтты. Төрт жылдан бері жырға айналған мәселе облыстық қоғамдық денсаулық сақтау басқармасына айтылған.
— «Оңтүстік қыш» ЖШС-нің қызметкері Айбек Бекбаев кәсіпорынға электр қуатын алу бойынша заңды көмек сұрады. Депутат ол бойынша жергілікті билік пен «ОңтүстікЖарықТранзит» ЖШС-нен сұрап, тиісті шара көретінін айтты.
-Темірлан ауылының тұрғыны, білім ұясының алғашқы әскери дайындық пәнінің мұғалімі өскелең ұрпаққа патриоттық тәрбие беру бойынша ауқымды шаралар ұйымдастыруды сұрады.
-Ерғали Әліпбайұлы Аққойлы ауылындағы тозығы жеткен электр бағаналарын жаңарту бойынша тұрғындар атынан өтініш білдірді.
Кездесуге келген өзге де азаматтар әлеуметтік мәселені алға тартты. Ол жағдайды қабылдау барысында нақтылап, инфрақұрылым, медицина саласы бойынша жауапты мамандарға жолдады.
«Amanat» партиясына арыз-шағыммен келген сегіз азаматтың мәселесі — әлеуметтік көмек, денсаулық, білім саласы, инфрақұрылым, өскелең ұрпаққа патриоттық тәрбие беру жайына арналған.
Облыстық мәслихат депутаты кездесуде көтерілген мәселелерді зерттеп, депутаттық сауал жолдайтынын жеткізді.
