Қыс түссе, газ қауіпсіздігіне қойылатын талап та күшейеді. Спорт шағын ауданы – қалада газдан улану деректері жиі тіркелетін аумақтардың бірі. Осыған орай жауапты мамандар тұрғын үйлерді аралап, азаматтарға түсіндіру жұмыстарын жүргізді.
Профилактикалық іс-шара «Улы газдан сақтан, қауіпсіздік – басты талап» тақырыбында өтті. Тексеру барысында мамандар үй иелеріне қауіпсіздік талаптарын түсіндірді. Ал ережелерді сақтамаған 20-ға жуық тұрғынға ескерту жасалды. Олардың басым бөлігінде газ колонкалары талапқа сай орнатылмаған. Сондай-ақ түтін шығаратын гофра құбырларының сыртқа шығарылмағаны анықталды.
