Шымкент қаласында тұрғын үй кезегінде тұрған 95 мыңнан астам азамат бар. Бүгінде 30-ға жуық мемлекеттік және бюджеттік ұйым қызметкерлері, сондай-ақ көпбалалы отбасылар өздеріне тиесілі пәтер кілттерін иеленді. Тұрғын үй кілттерін қала әкімінің бірінші орынбасары Айдын Кәрімов табыстады.
Жыл басынан бері 2600-ден астам отбасы баспаналы болды. Аталған тұрғын үйлер Бозарық, Асар және Тұран шағынаудандарында берілуде. Бұл туралы тұрғын үй басқармасы басшысының міндетін атқарушы Көпжан Төлебаев мәлімдеді.
Баспаналы болған азаматтардың қатарында Қарлығаш Омарова мен Мөлдір Жанзақова да бар. Олардың бірі 2017 жылы, енді бірі 2020 жылы тұрғын үй кезегіне тұрған. Қуанышқа кенелген жаңа пәтер иелері өз алғыстарын жеткізді.
