ТҰРҒЫН АЛАПТАҒЫ АЛҒАШҚЫ МАРАФОН

Шымкентте «Бір қадам – бір мақсат» атты марафон өтті. Спорттық шараға 500-ге жуық адам қатысып, салауатты өмір салтын қолдауға бір кісідей атсалысты. Орта Азиялық жоғары медициналық колледжі ұйымдастырған жарыста қатысушылар 3 шақырым қашықтықты бағындырды.Марафонның негізгі мақсаты – жастар арасында салауатты өмір салтын насихаттап, бұқаралық спортты дамыту. Алғаш рет ұйымдастырылған шараға студенттермен қатар, спортқа қызығатын тұрғындар да белсенді қатысты. Қатысушылар үш шақырымдық қашықтықты жүгіріп өтіп, өздерінің төзімділігі мен жігерін көрсетті. Мұндай бастамалар жастардың дене белсенділігін арттырып, ортақ мақсат жолында бірігуіне ықпал етеді.

Сайрам тұрғын алабында өткен «Бір қадам – бір мақсат» марафонына қатысушылар ерекше ықыласпен жиналды. Жарыс барысында спортшыларға жанкүйерлер қолдау көрсетіп, әуезді әндер шараның ажарын аша түсті. Ұйымдастырушылар марафонды алдағы уақытта дәстүрлі түрде өткізуді жоспарлауда.Жарыста қатысушылар бір-біріне қолдау көрсетіп, жігерлендірді. Мұндай жарыстар спортқа деген қызығушылықты арттырып, өз мүмкіндігіңді сынауға жол ашады. Мәреге алғаш жеткен Жеңімпаз Алдағы уақытта да осындай спорттық шараларға қатысып, жаңа жетістіктерге жеткісі келетінін айтады.Бір мақсатқа жұмылған қатысушылар үшін бұл жарыс спорттық дода ғана емес, бірлік пен жігердің мерекесіне айналды.