БАХТЫБЕК ТАЛҚАМБАЕВТЫҢ СУРЕТ КӨРМЕСІ АШЫЛДЫ

Шымкентте арт-терапевт Бахтыбек Талқамбаевтің сурет көрмесі ашылды. Көрменің басты ерекшелігі — автордың «12 сиқырлы шаршы» атты тың жобасы. Аталған әдіс арқылы суретші шеберлік сыныптарында ұлттық өрнек пен киелі геометрияға негізделген бірегей тәсілдің қыр-сырын үйрететін болады.

Креативті индустрия орталығында қазақ суретшісі, емші және ғалымы Бахтыбек Талқамбаевтың авторлық жобасының көркем көрмесі ашылды. Көрмеге 40-тан астам туынды қойылған. Сонымен қатар аталған жоба арқылы ақылы шеберлік сыныптары өткізілетін болады. Жалпы суретші 50 жылдық шығармашылық жолында түркілік мәдени тамыр, әлемдік өнер және заманауи психологияны тірі емдеу құралына айналған жүйе жасаған. Бүгінде оның шығармалары дүниежүзінің 12 елінде жеке коллекцияларда сақтаулы.

Жобаға қатысушы 12 шаршыдан тұратын матрицада суретшілік дағдысыз түрлі-түсті гель қаламдармен сурет салатын болады. Шеберлік сынып аптасына бір рет өткізіледі. Әдістеме әсіресе қиын кезеңді, мазасыздықты, стресті немесе бағыт жоғалтуды бастан кешіріп жатқандарға арналған. Ал әдістеменің ғылыми тиімділігі ЮНЕСКО тарапынан да расталған. Қазіргі таңда әдістемені Қазақстан, Ресей, Жапония, АҚШ және Германияда мамандар қолданады. Бақтыбек Талқамбаевтың айтуынша: «Сурет арқылы санасыздық сөзбен жеткізуге болмайтынды білдіреді. Қол жанның хабарын жеткізеді — және өзін-өзі емдеу басталады». Бүгінде шебердің әрбір туындысы коллекционерлер тарапынан 1000 доллардан жоғары құнмен бағалануда.