Өзбекәлі Жәнібек кім?». Ұлт қайраткерінің ғұмыр жолын арқау еткен осындай еңбек жарыққа шықты. Авторы белгілі әдебиеттанушы ғалым Құлбек Ергөбек. Шаһарда кітаптың тұсаукесер рәсімі өтіп, зиялы қауым өкілдері оның тарихи әрі танымдық маңызына тоқталды. Сондай-ақ бірқатар оқу орындары туындыны сатып алып, ұлттық мұраны дәріптеуге өз үлестерін қосты.
Ө. Жәнібеков университетінде өткен маңызды жиында алғашқы болып сөз алған оқу орнының басшылығы бұл еңбектің тарихи таным үшін айрықша құнды екенін атап өтті. Кітап авторы Құлбек Ергөбек туындының жазылу барысы мен ерекшеліктеріне тоқталып, оның әлеуметтік желідегі жазбалар негізінде тың форматта дайындалғанын жеткізді. Шара барысында бірқатар спикерлер сөз сөйлеп, кітапқа қатысты өз ой-пікірлерін білдірді. Еңбекте тарихи деректер мен заманауи көзқарастың ұштасуы жоғары бағаланды. Қатысушылар бұл туындының жас ұрпаққа тағылымы мол екенін атап өтті. Сонымен қатар жиынға келген кейбір оқу орындары кітапты арнайы сатып алып, өз кітапханаларына қор ретінде алды.
