50 ОТБАСЫҒА ПӘТЕР КІЛТІ ТАБЫСТАЛДЫ

Шымкентте 50 отбасы баспаналы болды. Тұрғындарға Ақжайық шағынауданындағы үйлердің кілті салтанатты түрде табысталды. Біраз жылдан бері жалдамалы пәтер жалдаған азаматтардың қуанышында шек жоқ. Бүгінде пәтерлер Мемлекеттік тұрғын үй бағдарламасы аясында берілуде.  Баспана алдымен көпбалалы және әлеуметтік санаттағы отбасыларға үлестіріледі.

Қаладағы баспаналар мемлекеттік тұрғын үй бағдарласы аясында берілді. Қоныс тойын тойлағандардың қатарында көпбалалы және әлеуметтік санаттағы отбасылар бар. Тұрғындар бұл күнді ұзақ күткендерін жасырмайды. Олардың айтуынша, пәтерден пәтерге көшіп жүру отбасыға оңай болмаған. Енді жаңа шаңырақта алаңсыз өмір сүруге мүмкіндік туғанына дән риза.

Осыған байланысты шаһарда тұрғын үй құрылысы қарқынды жүруде. Мемлекеттік бағдарламалар арқылы мыңдаған отбасыға қолжетімді баспана алу мүмкіндігі жасалып келеді. Мамандар алдағы уақытта да жаңа тұрғын үйлер кезең-кезеңімен пайдалануға берілетінін айтады. Бұл бастамалар халықтың тұрмыс сапасын арттырып, әлеуметтік қолдауды күшейтуге бағытталған. Несиелік бағдарлама негізінде 400 ге жуық баспана кілті берілсе жыл соңына дейін тағы 4 мың пәтер беру жоспарлануды. Бүгінде берілген үйлер заманауи талапқа сай салынған. Мұнда тұрғындардың жайлы өмір сүруіне барлық жағдай қарастырылған. Үшінші мегаполисте бүгінде 96 мың азамат баспана кезегінде тұр.