БЫЛҒАРЫ ҚОЛҒАП ШЕБЕРЛЕРІНІҢ БӘСЕКЕСІ ылғары қолғап шеберлерінің бәсекесі

Шымкентте бокстан республикалық турнирдің шымылдығы түрілді. Биылғы додаға еліміздің 14 облысынан және Өзбекстан Республикасынан келген 253 спортшы қатысуда. Рингте былғары қолғап шеберлері тартысты жекпе-жек өткізіп, өз шеберліктерін паш етуде. Бұл турнир жас таланттарды шыңдап, олардың үлкен спортқа қадам басуына жол ашатын маңызды алаң ретінде ерекшеленеді.

     Дәстүрлі түрде шара спортшылар шеруімен басталып, Мемлекеттік Әнұран шырқалды. Халықаралық сипат алған додаға Өзбекстаннан келген спортшылар да қатысып, бәсекенің деңгейін арттырды. Сонымен қатар, өзбекстандық спорт өкілі арнайы сыйлығын табыстап, достық қарым-қатынасты көрсетті. Бұл – спорт елдер арасындағы ынтымақтастықтың жарқын көрінісі. Жарысқа Шымкент қалалық бокс федерациясының президенті арнайы қатысып, спортшыларға сәттілік тіледі. Ол өз сөзінде мұндай турнирлердің жас боксшылар үшін маңызы зор екенін атап өтті.

Турнирде Төрехан Сабырхан жас спортшылардың әлеуетіне оң бағасын берді. Оның айтуынша, бүгінгі додада дарынды әрі болашағы зор боксшылар көп. Әр жекпе-жек – спортшы үшін үлкен сынақ екенін айтылды.

«Шымкент қаласының Кубогі» өңірдегі спорттың дамуына серпін беретін маңызды жарыстардың бірі. Бұл дода жас боксшылардың шеберлігін шыңдап қана қоймай, олардың үлкен аренаға шығуына жол ашады. Қатысушылар үшін әр кездесу – жаңа мүмкіндік пен тәжірибе.