Базарқақпа тұрғын үй алабындағы құжатсыз базарға байланысты тұрғындардың уәжі жерде қалмай, жергілікті биліктің құлағына жетті. №56 учаскеге мегаполистің басқарма басшылары мен Еңбекші ауданының әкімі келіп, базар өкілдерімен тілдесті. «Басымбек ата» базары аптаның 5-ші күні таңғы 6.00-ден бастап қызу сауда орнына айналады. Өткен кездесу барысында белгіленген нысан ҚРдағы сәулет, қала құрылысы және қызметі бойынша заң талаптарын бұзып, жұмыс жобасын құжаттамасыз әрі сараптамалық қорытындысыз жүргізгендігі сөз болды. Базар басшылығы заңнамаға сәйкес, әкімшілік жауапкершілікке де тартылған.
2020 жылдың 16 қыркүйегінде Шымкент қаласы әкімдігінің қаулысымен Абдулабад көшесі, №56 учаске көлемінде 10.2 гектар жер телімі «Юлдашбай ата» ЖШС-не 5 жыл мерзімге жалға берілген. Еңбекші ауданының аумағында орналасқан базардың тиісті жер теліміне қатысты құжаттары жалған болып шықты. Бүгінде тексеру жұмыстары белең алған.
Жыр болған базардың былығы мұнымен біткен жоқ. Мал базарға кіру құны әр жануар басына 500 теңге мен 1000 теңгенің арасын құрайды. 7 күн сайын базарға жақын аумақтардан түрлі ірі қара мен ауыл шаруашылығы жануарлары ретсіз әкелініп, саудалануда. Базарқақпа тұрғын үй алабының тұрғындары «базарды жаппай, керісінше құжаттастырып, заңға сәйкес жұмысын жалғастырса екен», -деп өз өтініштерін білдіруде.
