Түркістан облысының әкімі Өмірзақ Шөкеевтің жыл басында берген тапсырмасына сәйкес Келес ауданында «Қазыналы қария – тең қоғам» атты әлеуметтік қызметтер көрсету орталығы ашылған болатын. Көктемнің алғашқы күнінде ашылған мекеме егде жастағы қарияларға және мүмкіндігі шектеулі жандарға қызмет көрсетіп келеді, деп хабарлайды Түркістан облысы әкімінің баспасөз қызметі.
Аудан орталығы Абай ауылынан қоныс тепкен ғимарат заман талабына сай соңғы үлгідегі құрал- жабдықтармен қамтылған.
Жалпы құрамында 14 қызмет түрін көрсететін орталықтан қызмет алушылар дән риза. Емдік дене шынықтыру, тұз кешені, терапевт кеңесі, шахмат, тоғызқұмалақ, домино, компьютерді, интернетті үйрету курстары, кітапхана, мейіргерлік сүйемелдеу, психолог, массаж, қолөнер, үстел теннисі, бильярд, гимнастика сынды шаралар аталған орталықта ұйымдастырылып қежеттілігіне қарай қызмет атқарады.
