Сарыағаш ауданының әкімі Мұхит Отаршиев Жарты төбе ауылдық округіне қарасты Бостандық елді мекеніндегі жаңадан құрылысы жүргізіліп жатқан ауыз су мұнарасының және су құбырларының құрылысымен танысты, деп хабарлайды Түркістан облысы әкімінің баспасөз қызметі. Елді мекендер үшін су мәселесі өте маңызды. Ауданда елді мекендердің 60,2 пайызы ғана орталықтандырылған су жүйесіне қосылған. Сол себепті тұрғындарды таза тіршілік нәрімен қамтамасыз ету жұмыстары кезең-кезеңімен атқарылып келеді.
Құрылыс нысанында болған аудан басшысы бүгінгі күнге дейін атқарылған жұмыс жағдайын саралай отырып, алдағы уақытта атқарылатын жұмыстар бойынша жауапты мердігер мекеме мамандарына құрылыстың сапалы жүргізілуін және белгіленген мерзімде аяқталуын тапсырды.
