Цифрландыру саласындағы оң өзгерістер

Еліміз жаһан талабына байланысты ақпараттық технология мамандарын даярлауды мықтап қолға алуда. Осы орайда, Шымкентте алғаш рет әлемдік стандарттарға сәйкес оқытатын қос бірдей мектеп ашылды. Қазіргі таңда, Жоғары білікті бағдарлама құрастырушыларды дайындайтын оқыту орны 14 бағыт бойынша курс жүргізіп, түлектерді тұрақты түрде жұмыспен қамтымақ. IT-мамандарының аздығы — тек Қазақстанда емес, бүкіл әлем елдерінде орын алуда. Инновация мен технология күн сайын жаңарған заманда оларға деген сұраныс та арта түсуде. Әлемдік рейтинг бойынша ең қажет мамандар тізімінде ІТ мамандар екінші орын алады екен. Осы тұста 2017 жылы қабылданған «Цифрлық Қазақстан» мемлекеттік бағдарламасының төртінші бағыты бойынша ІТ мамандарды даярлау міндеті жүктелген болатын. Осының аясында, соңғы жылдары кадр мәселесін шешу  жұмыстары белсенді жүргізіліп келеді. Қазіргі таңда»Сифро» бағдарлау мектебі Веб сайттарды әзірлеу, CJI технологиясымен анимация жасау сынды курс түрлерін қамтып отыр.  Негізгі мақсаты ақпараттық-цифрлық әлеуетін дамыту және жоғары деңгейдегі ІТ мамандарын дайындауға үлес қосу болып табылады. Қазіргі таңда оқу орталығында түлектерді тұрақты түрде жұмысқа орналастыру да қарастырылған. Робототеъника саласында мамандарды дайындайтын  «RoboPark» білім беру орталығы да өз есігін жастарға ашып отыр. Мақсаты жас өнертапқыштарды заман талабына сай оқыту әрі цифрландыру бағытын дамыту болып табылады.