Еселі еңбекпен берекелі өнім жинады

 Түлкібас ауданында Облыс басшысының тапсырмасына сәйкес екі реттік өнім алу жүйесі жолға қойылған. Түлкібас ауданына қарасты Жаскешу ауылындағы «Ерсары» шаруақожалығы жалпы 5 гектар жерден екі рет өнім алып, Сайрам ауданы мен Түлкібас ауданының базарларына өткізіп, мол табысқа қол жеткізіп отыр.

Күз мезгілі – ала жаздай атыз жағалаған диқандар еңбегінің таразыға түсер сәті. Астықты алқапта толассыз еңбек еткен шаруалар, күннің жылт еткен шуағын тиімді пайдалану үшін тер төкті. Ағымдағы жылы Жаскешу елді-мекенінің диқандары биылғы науқанды табыспен түйіндеп отыр.

Жалпы аудан аумағында 155 шаруа қожалық көктем мезігілінде 266 гектар жерге бірінші өнімі ретінде көкөніс, бұршақ дақылдарын және картоп егіп, 610,2 тонна өнім алған. «Ерсары» шаруа қожалығы жалпы 5 гектар жерге бірінші өнім ретінде ерте көктемде 2 гектарына сарымсақ, 3 гектарына картоп егіп ағымдағы жылдың маусым айының орта тұсында жинап алған. Содан соң, 5 гектар жерді қайта өңдеп, 2 гектарына қияр,  гектарына ақ желкен егіп, қазіргі таңда еңбегінің жемісін көруде. Бірінші егін сарымсақтан 20 тонна, ал картоптан 75 тонна өнім алып, сарымсақтың келісін 550 теңгеден, картопты 110 теңгеден саудалаған.

 Беркені көктен емес, еккен еңбектен іздеген жандардың асығы алшысынан түседі. Ағымдағы жылдың аптап ыстығы мен аңызақ желінде тер төккен Түлкібас диқандары карантинге қарамастан орақ науқанын жақсы аяқтауда.