Бүгін Шымкент қаласы әкімдігінде қала әкімі Ғ.Әбдірахымовтың қатысуымен республикалық және облыстық рейтингтік көрсеткіштердің орындалу барысы және салылық бөлімдер тарапынан дайындалған қала әкімдігінің қаулыларын талқылау және бекіту туралы жиын өтті. Күн тәртібіне сәйкес, шаһар басшысының алдында қалалық экономика және қаржы бөлімінің басшысы Р.Мулкеманов «Республикалық және облыстық рейтингтік көрсеткіштердің орындалу барысы» туралы баяндама жасады. Айта кетерлігі, бұл рейтингтік талдау жұмыстары ҚР Президенті Әкімшілігі Басшысының 2015 жылғы 22 мамырдағы №1-38.12 бұйрығымен бекітіліп, өңірлердің әлеуметтік-экономикалық даму серпіні мен деңгейі бойынша жүргізілген. 2014 жылдың қорытындысы бойынша даму серпіні жағынан Шымкент қаласы бірінші (2013 жылы 4 орында тұрған) орында келеді. Ал, даму деңгейі бойынша алтыншы (2013 жылы 5 орында болған) орында тұр.
Айта кетерлігі, қалалардың даму серпіні бойынша 2014 жылмен салыстырғанда 2015 жылдың 10 айында даму қарқыны төмендеген көрсеткіштер жағынан құрылыс жұмыстарының нақты көлемі 73 пайыз, бөлшек сауда тауар айналымының нақты көлемі 80 пайыз, негізгі капиталға салынған және инвестициялық нақты көлемі 90 пайыз, қылмыстылық деңгейінің өзгеруі 114 пайызды құраған. Қала әкімдігінің мәжілісінде шаһардағы қылмыстылық деңгейінің 25 пайызға артып отырғандығына тоқталған шаһар басшысы Ғ.Әбдірахымов келер жылдан бастап жергілікті полиция қызметі құрылатындығын, түнгі жарықтандыру, аулаларға бейнебақылау камераларының орнатуға жергілікті бюджеттен қаржы қарастырылып жатқандығын айтты. Осыған орай, қалалық ішкі істер басқармасына қылмыстық көрсеткішті төмендетуге тапсырма берді.
Мәжіліс соңында шаһар басшысы қалалық сәулет және қала құрылысы, тұрғын үй коммуналдық-шаруашылық, дене шынықтыру және спорт бөлімдеріне жұмыс көрсеткіштерін апта көлемінде өткізулерін айтып өтті. Қорыта айтқанда, 2015 жылдың жарты жылдығында республикалық және облыстық рейтингтік көрсеткіштердің орындалу тұрғысынан Шымкент қаласы 2 орында болып, (2014 жылдың тиісті кезеңінде 9-орында болған) яғни, 7 сатыға көтерілген.
СОЗАҚ АУДАНЫНА ШУ ӨЗЕНІ АРҚЫЛЫ 1,5 МЛРД ТЕКШЕ МЕТРДЕН АСТАМ СУ ЖІБЕРІЛДІ
Су Жамбыл облысындағы Тасөткел су қоймасынан жіберілді. Бұл жұмыс табиғатты қорғау мақсатындағы су жіберу шаралары аясында былтыр қыркүйектен басталып,...
