Биыл қайта өңдеу өнеркәсібін қолдау үшін республикалық бюджеттен 2 млрд 700 млн теңге бөлініп отыр. Қаражат жеке шаруашылықтан сатып алынатын өнімнің баға айырмасын субсидиялауға жұмсалмақ. Бұл туралы бүгін Орталық коммуникациялар брифингінде Ауыл шаруашылығы министрлігінің өкілдері баяндады. Мамандардың айтуынша, жыл басынан бері 5 млн тоннадан аса сүт өндірілген. Ал еліміз бойынша ақты өңдейтін 400-ге жуық кәсіпорын жұмыс істейді. Бұл өндіріс ошақтары былтыр 20 мың тонна сүт өңдеген. Осылайша, нарыққа 3,5 мың тонна сүтқышқылды өнімдер шығарылды. 100 мың тонна сары май, 400 мың тонна сүт жәнеқоюланған кілегей мен 600 мың тонна сыр және ірімшік өндіріліп отыр. Еркебұлан Ахметов, ҚР Ауыл шаруашылығы министрлігінің департамент директоры: — Біз сүт өнімдерімен ішкі нарықты қамтамасыз етумен қатар экспортқа да шығарып жатырмыз. Мысалы нақты деректерді келтірсем, біз 20 мың тонна өңделген сүт эспорттадық. Негізгі экспорт көлемі Ресей және Қырғызстан нарығы болып табылады. Сонымен қатар айран және йогурт өнімдері 6 мың тоннаны және сары май 100 тоннадан астам өнім экспортқа шығарылды.
Источник: http://24.kz/kz/zhanalyktar2/o-am/item/75468-astam-s-t-ndirildi
Любое использование материалов допускается только при наличии гиперссылки на www.24.kz / Қолданылған материалдарға міндетті түрде www.24.kz сайтына гиперсілтеме берілуі тиіс.
