ҰБТ электронды форматта өтеді

    Биыл Ұлттық бірыңғай тест электронды форматта өтеді. Оқушылардың он бір жыл бойы жинаған білім нәтижесін тексеруге ағымдағы жылдан бастап бірнеше өзгертулер енгізілді. Бұл жайында Шымкент қаласы Білім басқармасының басшысы Жанат Тәжиева брифинг барысында айтып берді.    Жалпы Шымкент қаласындағы 151 мектепте 2020-2021 оқу жылында – 9342 оқушы мектеп бітіреді. Ал ҰБТ-ны 7000-нан астам оқушы тапсырады деп жоспарланып отыр.

   Айта кетейік, ағымдағы жылдан бастап енгізілген өзгертулер қатарында мезгілсіз тесттер бар. Яғни, талапкерлер ҰБТ-ны 5 мәрте тапсыра алады, оның төртеуі ақылы оқуға түсушілерге арналған. Ал мемлекеттік грантқа түсу үшін тек маусым айындағы тест сертификаты жарамды болмақ.
Дәстүрлі тест тапсырудан электронды форматтағы тест тапсырудың айырмашылығы сол компьютерде тапсырасыз. Берілген сұрақтың ішінде білмеген сұрақты белгілемей тастап кету, яки белгілеп қойып кері шегінуге болмайды. Рет-ретімен орындау керек. Сондай-ақ, бұрын жауап кітапшасына қате белгілеген жағдайда оны өзгерту мүмкін емес болатын. Ал бұл жолы жауабыңыздың дұрыс емес екендігін білсеңіз, сол жерде қайта дұрыс жауапты таңдауға болады. Тіпті, тестілеуді аяқтап болған соң, сіздің ҰБТ-дан қанша бал жинағаныңызды бір мезетте шығарып береді.

Айғақ-ақпарат