Түркістанда облыстық Қазақстан халқы Ассамблеясының ХХІІ сессиясы басталды. Күн тәртібінде Елбасы, ҚХА Төрағасы Н.Назарбаевтың «Татулық пен келісім формуласы: әлеуметтік бірлік және жаңғыру» тақырыбымен өткен Қазақстан халқы Ассамблеясының ХХVII сессиясында айтылған ой пікірлері тағы бір сараланып,оны іске асыру барысы талқылануда.
Түркістан облысы әкімінің орынбасары Сәкен Қалқаманов төрағалығымен өткен жиынға облыстық мәслихаттың депутаттары, құқық қорғау органдарының жетекшілері,басқарма басшылары,аудан,қала әкімдері шақыртылған.Қоғамдық келісім- тұрақтылық пен татулық кепілі екені белгілі.Тұғыры биік Тәуелсіз елде бейбітшілікті сақтау мемлекеттің өркендеуіне, дамуына серпін беретін басты бағыт. Бұл тұрғыда жалпыұлттық бірлікпен мемлекеттік саясатты табысты іске асыру маңызды. Ассамблеяның сессия отырысы да дәл осы мақсатта атқарылатын жұмыстарды айқындап бермек.
Жиын соңында қоғамдық жұмыстарға белсене араласқан және ел бірлігін қалыптастыруға үлес қосқан этномәдени бірлестіктің мүшелері мен бірқатар азаматтар Түркістан облысы әкімінің алғыс хатымен марапатталды.