Тірегіміз — татулық!

Қазақстан Республикасының Тұңғыш Президенті-Елбасы Нұрсұлтан Назарбаевтың тарихи шешімімен Шымкент — 2018 жылы еліміздің үшіншісі қаласы мәртебесін алды. Сол уақыттан бері шаһардың әлеуметтік-экономикалық мүмкіндігін аша түскен халықаралық инвестициялық жобалар ұйымдастырылып келеді. Әкімдік тарапынан қолға алынған өзгерістер де аз емес.

Ал, 1996 жылдан Қазақстанда тұңғыш рет тәуелсіз басылым ретінде жарыққа шыққан «Айғақ» Республикалық газеті мен 2007 жылдан 100 пайыз мемлекеттік тілде ақпарат тарататын «Айғақ» телеарнасы бұл жолы да елімізде аналогі жоқ жобаның бастауына түрткі болды. 2 мың жылдан астам тарихы бар Шымкентпен әлемдегі 12 қала бауырлас болып табылады. Алғашқы сапарымызды түбі бір түркі жұрты болып табылатын Тәжікстанның Ходженд қаласынан бастауды жөн көрдік. Шымкенттен шыққан қоғамдық делегация құрамында Елбасының курстасы, КСРО Мемлекеттік сыйлығының иегері, Шымкент қаласының  «Құрметті азаматы» Аманәлі Әбдіраманов, Оңтүстік Қазақстан облысының «Құрметті азаматы», «Құрмет» орденінің иегері, мегаполис тұрғыны Әтірхан Шыңғысбаев, жазушы Оралхан Бөкейдің досы, тыл еңбеккері Нұрахмет Шабатаев, өнертанушы Бегалы Рысбеков, Дүние жүзі қазақтарының қауымдастығы Шымкент қаласы бойынша филиалы жетекшісінің орынбасары, Қатон-Қарағай ауданының «Құрметті азаматы», меценат Ғани Шаймарданов және имам Орал Қайсар бар. Ал, жобаның авторы әрі делегация жетекшісі — Түркістан облыстық мәслихатының депутаты, Қазақстан халықтары Ассамблеясының мүшесі, Дүние жүзі қазақтары қауымдастығының Шымкент қаласы және Түркістан облысы бойынша филиалының жетекшісі Дулат Әбіш. 

6 мамыр күні таңертеңмен Өзбекстан Республикасы арқылы Тәжікстанға жолға шыққан Шымкенттің қоғамдық делегациясын Худжанд қаласы мен Сұғда облысының әкімдігі ыстық ықыласпен қарсы алды. Дәстүрлері бойынша ас атасы нан мен қарым-қатынасымыз балдай тәтті болсын деген ниетпен әсел ұсынып, делегацияның ризашылығына бөленді.

Ұлттық би мен ән шырқалып, достықта шекара жоқ екендігінің айқын куәсі болдық

«Айғақ-ақпарат»