Өңірдің үздік жастарын анықтау мақсатында Қазақстан Республикасы Тәуелсіздігінің 27 жылдығына орай 27 номинация бойынша Түркістан облысы әкімінің «Түркістан жастары» премиясы байқауы жарияланған болатын. Байқау нәтижесінде түрлі сала бойынша үміткерлер аудан, қалалардан ұсынылып, арнайы комиссия тобымен іріктеліп, кезең-кезеңнен өткізіліп, соңында дауыс беру қорытындысымен анықталды. Түркістан облысы отбасы, балалар және жастар істері жөніндегі басқармасының «Жастар ресурстық орталығы» ұйымдастыруымен өткен байқауда «Айғақ» телеарнасының журналисі Ұлдархан Уәлиханқызы топ жарды.
Өрісбай Ұлдархан Уәлиханқызы Оңтүстік Қазақстан облысы, Төлеби ауданы, Ұйымшыл ауылында дүниеге келген. Білімі — жоғары. Мамандығы – «Қазақ тілі мен әдебиеті» бакалаврі. Оңтүстік Қазақстан Педагогикалық институтында оқи жүріп, 2013 жылдан бастап «Айғақ» телеарнасының штаттан тыс тілшісі болып жұмыс жасады. Өзінің білімі мен біліктілігінің, ұжыммен тез тіл табысуының арқасында ЖОО-н бітірген соң, телеарна журналисі ретінде штатқа қабылданып, еңбек ете бастады. 
Мемлекет басшысының жыл сайынғы халыққа арнаған Жолдауларын тереңінен түсінетін ол, маңызды құжатты жастар арасында тереңінен насихаттап келеді.
