— Түркістан облысының әкімі Жансейіт Түймебаев облыс орталығы — Түркістан қаласының әкімшілік-іскерлік орталығында бой көтеріп жатқан 26 тұрғын үйдің құрылыс жұмыстарымен танысты. 1536 пәтерден тұратын баспаналардың 1200 пәтері (20 тұрғын үй) арендалық үйлер болса, қалған 6 тұрғын үй, яғни 336 пәтер кредиттік баспаналар қатарында. Іргетасы осы жылдың қыркүйек айында қаланып, мемлекеттік бюджет есебінен салынып жатқан 60 пәтерлі 20 тұрғын үйдің 11-і (660 пәтер) 2019 жылдың сәуір айында тапсырылады. Ал 9 тұрғын үй (540 пәтер) келер жылдың қараша айына ел игілігіне берілмек. Кредиттік көпқабатты 6 тұрғын үйдің (336 пәтер) құрылыс жұмыстары 2019 жылдың маусым айында аяқталып, пайдаланылуға тапсырылады. Жаңа әкімшілік-іскерлік орталықта мемлекеттік-жекешелік әріптестік арқылы 280 орындық жаңа балабақшаның құрылысы да халық игілігіне тапсырылды. Сондай-ақ, 900 орындық мектептің есігін жаңа оқу жылына дейін ашу жоспарлануда. Жаңа облыс орталығы Түркістан қаласының әкімшілік-іскерлік аймағында қазір жаңа әкімшілік ғимараты, басқармалар және департаменттер үйлері, сондай-ақ, 5 жұлдызды «Риксос» қонақ үйінің құрылысы басталып кетті.
-19 желтоқсан күні Түркістан қаласының бірнеше тұрғыны облыс әкімі Ж.Түймебаевтың қабылдауында болды. облыс орталығы болған Түркістан қаласында жаңа жоспарға сәйкес көптеген құрылыс нысандары салынады деп жоспарланып отыр. Осыған орай, ситуациялық сызбадағы 98 гектар жерді құрайтын екінші аймақ аталатын «Рухани-мәдени орталық» аймағына қажетті жерді дайындау мақсатында мемлекет мұқтаждығы үшін 171 нысанды жерлерді қайтару жұмыстары жүргізілуде. Қазіргі таңда 165-нысанның құжаттары толық жинақталып, бағалау жұмыстары жүріп жатыр. Заңға сәйкес, мемлекет мұқтаждығы үшін жер телімдерін қайтару және бағалау жұмыстарына келіспеген тұрғындармен түсіндірме іс-шаралары жүргізілді. Сонымен қатар, келіспеген тұрғындармен арнайы өтініштері бойынша жұмыс істеу үшін 29 адамнан құралған комиссия жұмыс істеуде.
-Мерекенің төресі Тәуелсіздік күні. Осыған орай, Бәйдібек ауданынына қарасты Алмалы елді мекенінде арнайы іс-шара өткізілді. Яғни, бұл күні ел тәуелсіздігінің маңыздылығы айтылып, тарихы күн Бәйдібек жеріндегі Алмалы орта мектебінде тағы бір насихатталды. 27- жылдық мереке аясында бұл күні, аталмыш мектептің шәкірттері концерттік бағдарлама өткізіп, патриоттық тақырыпта, ән шырқады. Ал, жиын соңында, аталған білім ошағының белсенді ұстаздарына, әкімдік тарапынан арнайы марапттар берілді.
— Түркістан жоғары аграрлық колледжінде өткен семинарға облысымыздағы маман даярлаушы колледж өкілдері мен Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша департамент басшысының орынбасары Ғанижан Асанұлы арнайы қатысты.
-Шымкент қаласында жаңа білім ордасы пайдалануға берілді. Жеке меншіктегі «Арафат» мектебі Сайрам елді мекенінің тұрғындарын қуанышқа бөлеп отыр. 900 орындық мектептің құрылтайшысы, жеке кәсіпкер – Низамхан Сулайманов. Ел ағасы бұған дейін де аймақтың балаларын балабақшамен қамтып, игі істерге арқау болған.
— Әл-Фараби ауданына қарасты 195 орамда орналасқан 84 мектепте ашық есік күні өтті. Мектептің 40 жылдық мерейтойы қарсаңында өткен іс-шара аясында қонақтар ашық сабақтарға қатысып, оқу ордасында атқарылып жатқан жұмыстармен танысты. Мерекелік жиынға, ата-аналар, мектеп түлектері мен өзге де білім ұяларынан мұғалімдер қатысты.
— Еңбекші ауданына қарасты Бадам-1, Бадам-2 елді мекенінде 1986 жылғы желтоқсан оқиғасының құрбандарын еске алуға арналған волейболдан турнир өтті. Мектеп қабырғасында өткен додаға Жұлдыз аумағына қарасты 8 елді мекеннің жастарынан құралған командалар қатысты. Сондай-ақ, аға буын өкілдерінен құралған ардагер командалар да өзара бақ сынады. Жарысқа қатысушылар қатарында 15 пен 18 жас аралығындағы мектеп оқушылары да бар. Іс-шараның ерекшелігі де осында. Ұйымдастырушылардың айтуынша, ауыл арасында осы сипаттағы спорттық шаралар өткізу дәстүрге айналған. Мақсат, ауыл жастарын ауызбіршілікке шақырып, жаман әдеттерден аулақ болуға тәрбиелеу.
