Бүгін, Түркістан облысы ІІД-де Қазақстан Республикасының Конституция күніне орай мерекелік іс-шара өтті, онда департаменттің басшылары, жеке құрамы мен Ішкі істер органдарының ардагерлері қатысты.
Ресми іс-шара Қазақстан Республикасының Мемлекеттік әнұранының орындалуымен басталды.
Түркістан облысы ІІД бастығының бірінші орынбасары полиция полковнигі Асылхан Қалаубаев тәртіп сақшыларын Қазақстан Конституциясы мерекесі күнімен құттықтап, «негізгі заңның қабылдануы — біздің еліміздің тарихындағы маңызды оқиғалардың бірі. Конституция Қазақстанның егемендігін ғана емес, демократиялық қағидаттарды және билік пен қоғамды ұйымдастырды, сонымен қатар елдің даму бағытын айқындады. Негізгі заң табысты әлеуметтік және экономикалық өзгерістерге қол жеткізді, осылайша елде бейбітшілік пен тұрақтылықты қамтамасыз ететінін»,- атап өтті.
Департамент бастығының орынбасары А. Қалаубаев барлық облыстық полиция қызметкерлеріне азаматтардың қауіпсіздігін сақтаудағы қызметте сәттілік, кәсіби шеберлік пен отбасыларына амандық, дендеріне саулық тіледі.
Әрі қарай Ішкі істер министрлігінің бұйрығымен Қазақстан Республикасы Конституциясының күніне орай көпжылдық адал еңбегі мен жоғары кәсіби жұмысы үшін Түркістан облысы ІІД-нің 19 қызметкері салтанатты жағдайда марапатталды. Департамент бастығымен жұмыстағы жетістіктері үшін 70-тен аса полиция қызметкері марапатталды. Атап айтсақ, Облыстық ІІД Жедел жоспарлау басқармасының бастығы полиция полковнигі А.Тажиев ҚР ІІМ-нің құрмет грамотасымен, Жедел-криминалистикалық басқармасының бастығы полиция полковнигі Е.Танкеев ІІД-нің грамотасымен марапатталды.
Сонымен қатар, полиция полковнигі Асылхан Қалаубаев полиция қызметінде ерекшеленген тәртіп сақшыларына грамоталар мен алғыс хаттар тапсырды.
Ресми іс-шара Конституция күні мерекесіне облыстық эстрада жұлдыздарының қатысуымен мерекелік концертке ұласты. Кәсіби әртістер мен бірге сахнада пагондағы талантты тәртіп сақшылары өнер көрсетті.
Түркістан облысы ІІД баспасөз қызметі
