Білім саласында тың өзгерістер бар. Яғни, мектептерде электрондық бақылау жүйесі іске қосылады. Бұл кешен ата –аналарға мектептегі баланың оқу үлгерімін бақылауға бағытталып, ұстаздар арасында тығыз қарым-қатынас орнатуға жол ашады. Сонымен қатар, Шымкентте жастар үшін тілдерді дамыту орталықтары тегін жұмыс жасауда. Бұл туралы қала әкімінің орынбасары Қайрат Нұртай баяндады. Жалпы Елбасы ұсынған Ұлт жоспары 5 институционалдық реформалардағы 100 нақты қадамның Шымкентте іске асуы жөнінде бірқатар жұмыстар атқарылып жатыр. Мәселен, қоғамда орын алып жатқан құқық бұзушылықтан арылып, алдын-алу мақсатында жергілікті полиция қызметі өз жұмысын бастады. Алғашында-ақ саябақтардағы қауіпсіздікті қамтамасыз ету үшін велополиция қызметі өзі ісіне кірісті. Ал бүгінде уатцап сервисі де нәтижесін беруде. Мәселен, үш жұмыс күннің ішінде аталған желі арқылы 42 өтініштер келіп түсіп, тиісті шаралар қолдануда. Осы бағытта қала тұрғындарынан хабарламалар келу арқылы қылмыспен қоғам болып күресуге мүмкіндік туып отыр.
Қаладағы білім ұяларының жанынан қамқорлық кеңесі құрылыпты. Аталмыш кеңес сол мектептерді бітірген беделді түлектерді ата-аналарды қамқорлық жасауға бағыттау. Яғни, мектептердің материалдық және техникалық базасын жетілдіру арқылы шәкірттердің заманауи техниканы меңгеруіне, аз қамтамасыз етілген отбасы балаларына әлеуметтік жәрдем көрсету арқылы мейірімділікке тәрбиелеу білім ұяларының қазына қаржысының көмегінсіз мәселелерді шешуіне мүмкіндік туады. Сонымен қатар, білім саласындағы электрондық ақпараттық кешен мектептердегі кейбір түйткілдердің түйінін тарқатуға сеп болады. Ал спорт саласында атқарылып жатқан жұмыстар нәтижесінде қала тұрғындарының салауатты өмір салтын қалыптастыруға қосып жатқан үлесі салмақты. Яғни, Шымқала тұрғындарының 22 пайызы тұрақты түрде спортпен айналысады екен.
Еңлік Заманхан
