Жұмада облыс әкімінің орынбасары Ерлан Қуанышұлы Айтаханов іс-сапармен Созақ өңірінде болды. Бірінші денсаулық сақтау саласының жұмысымен танысып, аудан активінде денсаулық саласы мамандарының 9 айда атқарған жұмыстары бойынша есептері тыңдалды. Кездесу жиын соңында аудандағы денсаулық сақтау саласындағы біршама кемшіліктер бойынша нақты тапсырмалар берілді.
Кездесуден кейін облыс әкімінің орынбасары аудандағы түрлі саладағы еңбек етіп жүрген жұмысшы жастармен, мемлекеттік бағдарламамен жұмысқа орналасқан және белсенді жастармен бейресми кездесу өткізді. Кездесу барысында ауданның жастары тарапынан біршама ұсыныстар айтылып, тиісті мамандарға нақты тапсырмалар берілді. Сонымен қатар, Созақ ауданындағы №1 және №24 кәсіптік колледжінің оқытушылары және студенттерімен кездесу ұйымдастырылды.
