Елдегі экономиканы дамыту тетігінің бір ұшы- жастарда. Десе де бүгінде жоғарғы оқу орнын бітірген түлектер арасында өз мамандығымен жұмыс істемейтіндер саны артқан. Осындай мәселе келешек мамандарда орын алмас үшін Профориентологтар түсіндірме жұмыстарын жүргізді.
Оқуға жаңа түскен жастар үшін ақыл кеңес артық болмайды. Дәл осы студенттік өмірді өткерген аға буын ненің дұрыс иә бұрыс болатынына тоқталып, әдепсіз берілген білімнің түкке пайдасы жоғын ескертті. Сондай ақ бойға сіңген білім аяқсыз қалмаса деп ізгі тілек жолдады. Әдетте азаматтар арасындағы жұмыссыздықтың көбеюіне, таңдаған мамандығының ұнамсыздығы себеп болады дейді мамандар. Яки кейбір ата ана өзі қалаған сала иесі атанбағандықтан балаларын мәжбүрлі түрде сол дүниеге негізсіз жүктеме жасайды. Өз кезегінде профориентологтар мұның дұрыс емес екендігін айтады.
Кеш барысында 125 балмен грант иегері атанған Аделя Мұратта өзінің келелі ойларын ортаға салып, замандастарының жастық жалынын жағуға себепкер болды.Айтуынша ол алдағы уақытта медицина саласының яғни көз дәрігері ретінде үздіктер қатарынан көрінгісі келеді. Ал оның ұбтдан жоғары нәтиже көрсетуіне 2 жылдық дайындық сеп болған.
