Қала тұрғындары «Халық заңгері» көшпелі акциясы аясында тегін құқықтық кеңес алды. Іс-шара барысында жер дауы, мұрагерлік, қарыз міндеттемелері және басқа да құқықтық мәселелер бойынша түсіндіру жұмыстары жүргізілді. Жоба азаматтардың құқықтық сауаттылығын арттыруға және заң көмегін қолжетімді етуге бағытталған.Акцияға жергілікті атқарушы органдардың өкілдері, құқық қорғау қызметкерлері, прокурорлар, тергеушілер, адвокаттар мен нотариустар қатысты. Олар тұрғындардың құқықтық сұрақтарына жауап берді.
Нотариустар тұрғындарға мұра қалдырудың заңды жолдарын да түсіндірді. Мәселен, өсиет қалдыру кезінде құжаттың дұрыс рәсімделуі маңызды. Ал кей жағдайда өсиетті куәгерлердің қатысуымен рәсімдеу талап етіледі. Мамандар мұндай мәселелерде әр жағдайдың жеке қаралатынын айтып, тұрғындардың сұрақтарына нақты жауап берді.
Көмек алушылардың бірі – Мақсат Рахымбеков. Ол қаржылық мәселелерге байланысты банкроттық жариялауға болатын жағдайларды анықтау үшін келген. Айтуынша, мұнда мамандар мәселенің мән-жайын жіті тыңдап, заң талаптарын жан-жақты түсіндіріп жатыр.
