ТАРТЫЛҒАН ИНФЕСТИЦИЯ ИНФРАҚҰРЫЛЫМДЫ РЕТТЕЙ МЕ?

       Әл-Фараби ауданында  соңғы 8 айда өткен 37 кездесуде 121 мәселе шешімін тапқан. Баспасөз брифингін өткізген әкім Рашид Мыңбаев аудан жағдайын баяндап, тұрғындардың түйткілді мәселелері өз кезегінде шешімін тауып, ауданда су, электр, табиғи газбен қамту көрсеткіші 100 пайызды құрағанын мәлімдеді.  

    Миллионды қаланың орталықтарының бірі ретінде саналатын Әл-Фараби ауданында 207 747 тұрғын бар. Ауданда ауыз су мен электр қуатымен қамту көлемі толық 100 пайыз. Аудан аумағына ағымдағы жылы 32,5 млрд теңге шамасында бюджеттен қаржы қаралған. Бұл көрсеткіш өткен жы салыстырғанда 4,9 млрд теңгеге артық. Аудан әкімі инвестицияның тартылуы жылдан-жылға артып, аумақ жағдайы жақсаруда дейді.

    Әкімдердің ел алдында есеп беріп, халықпен кездесуі — соңғы жылдардағы дәстүрге айналған үрдіс. Жыл басынан бері Рашид Мыңбаев аудан тұрғындарымен 37 кездесу өткізген. Аудан басшысының сөзінше, Әл-Фарабилік тұрғындардың тарапынан түскен 199 өтініш жерде қалмай, өз кезегінде нәтижесін беруде . Тұрғындардың өтініші толығымен орындалмайынша, жауапсыз қалмайды. Ағымдағы жылы 30 көшеге асфальт салу жұмыстары жоспарланып, бүгінде аяқталуға жақын. Аудандағы 404 көшенің 124-і жарықтандырылды «,- дейді аудан әкімі. Аталған ауданда халық қатысатын бюджет үлесі де былтырғыға қарағанда 4 есеге артқан. Бағдарлама аясында 50 балалар ойын алаңшасы мен 9 спорт алаңшасы орнатылатын болады. Ауданның басты көшелерін (102 көше) көріктендіру-көгалдандыру, ағаштарды және гүлдерді күтіп ұстау, санитарлық қырқу, ағаш түптерін әктеу, жасыл желектерді ретке келтіру, суғару, өсік шөптерді ору жұмыстары бойынша мердігер мекеме «Build stroi» ЖШС тарапынан жұмыстар атқарылуда.

   Жыл басынан бері мердігер мекеме тарапынан басты көшелердің бойына 3 300 дана ағаш көшеті отырғызылса, жоспарға сәйкес жыл соңына дейін тағы 6 мың данасын қондыратын болады. Сондай-ақ, аудандағы 404 көшенің 124-і жарықтандырылған болса, жол қауіпсіздігіне байланысты 1347 бейнебақылау камералары іске қосылған.