ЖОЛ ЖҮЙЕСІ МЕН ҚОҒАМДЫҚ КӨЛІКТЕГІ ӨЗГЕРІСТЕР

    Шымкент миллиондар қаласы атанып, 3 мегаполис дәрежесін иеленгелі қала көшелерінде қимыл- қозғалыс жиілеген  Осыған дейін қаланың басты магистралды көшелерінің бірі деп танылған Қонаев даңғылы мен Адырбеков көшелерінің белгілі бөлігі пайдалануға берілгендігі жайлы ақпар тараған болатын. Алайда, кептеліс азаяды деп күтілген сәтте Бәйдібек би- Арғынбеков көшелерімен қатынау жөндеу жұмыстары салдарынан тоқтатылды. Жоба бойынша аталған жолайрыққа ені 80 метрлі төрт-алты жолақты автомагистраль салынып, жаяу жүргіншілер мен веложол төселмек.

     Миллиондар қаласында халық саны артқан сайын қоғамдық көлікте қатынау да қиындық туғызуда. Бүгінде қаламызда 1886 аялдама орны бар болса, оның 1336-да аялдама павильоны орнатылған. Шаһарда жыл сайын жаңаратын аялдамалар үлесі 35, 5 % құрайды. Сондай-ақ, жиын барысында қалалық бюджетке салық түсімдерін арттыруға мүмкіндік беретін «Төлем» билеттендіру жүйесі мен кондукторлардың алдағы қызметі де сөз болды. Ағымдағы жылдың қыркүйек айынан бастап Шымкенттің автобустары кондукторсыз қатынайтын болады.

    81 елді мекені бар қаланың қоғамдық көліктерінде бақылаушылар жүретін болады. 2022 жылдың тамыз айының соңына дейін автобустарға 2 валидатор орнатып, электронды төлем 100% қамтамасыз етіледі. Егер жолаушыда «Төлем» картасы болмаса жол ақысын жүргізушіге төлеп, міндетті түрде билет беруін талап ету қажет. Жалпы мұндай жүйені енгізу “ тұрғындарға сапалы қызмет көрсету мен төлемді автоматтандыру, осы уақытқа дейін орын алған кемшіліктерді жойып, қоғамдық көліктерде мәдениетті қалыптастыруда маңызды”-дейді жауаптылар.