«АВТОБУС» ЖЕДЕЛ ПРОФИЛАКТИКАЛЫҚ ІС-ШАРАСЫ ӨТУДЕ

 Қоғамдық көліктерде жолаушыларды тасымалдау кезінде жол ережелері мен талаптарын сақтау маңызды. Күні кеше мегаполисімізде «Автобус» жедел профилактикалық іс-шарасы бастау алды. Осыған орай қаламызда тұрғындарды тасымалдайтын автобустардың техникалық жағдайлары жіті тексеріліп, жүргізушілердің жол ережесін сақтауы қадағаланды.

Үшінші мегаполис көшелерінде қоғамдық көлік жүргізушілерінің жол ережелерін бұзуы жиі ұшырасады. Тіпті бір-бірімен жарысатын автобустар жолаушылардың қауіпсіздігін елемейтін кездер орын алған. Осы орайда қоғамдық тәртіп пен тұрғындар қауіпсіздігін сақту қалалық полиция департаменті қызметкерлерінің басты міндеті. Шілденің 4-10 аралығында қала аумағында тәртіпті сақтау мақсатында «Автобус» жедел профилактикалық рейдтік шарасы Тәуке хан -Момышұлы көшелерінде жүргізілді. Мұндай ауқымды шаралар қаламызда жиі өткізіліп тұрады. Мақсат жол апатын азайту,жолаушылар мен жүк тасымалдауды жүзеге асыратын жүргізушілердің мәдениетін арттыру, жол қозғалысын бақылау болып табылады.

Қоғамдық тәртіпті сақтау барысында БАҚ өкілдері де атқарылып жатан жұмыстар барысымен танысты. Түсірілім барысында тілшілер мен полиция қызметкерлері Бозарық айналма жолының маңындағы аумаққа барып, алыс сапарға шыққан автобустарды тоқтатып, талапқа қаншалықты сай келетіні анықталды. Шілде айының 4 жұлдызынан бастау алған шара қалалық полиция департаменті мен көлік бақылау инспекциясының бірлесуімен ұйымдастырылды. Шара барысында жүргізушілерге түсіндіру жұмыстары жүргізіліп, өрескел заң бұзған тұлғаларға қатысты әкімшілік айыппұлдар салынды.
Қоғамдық тәртіпті қадағалау барысында жол қозғалысы қағидаларын бұзған 100-ден аса жүргізуші әкімшілік жауапкершілікке тартылды.