2022 жылдың 1 маусымында Балаларды қорғау күні алғаш рет Түркістан қаласында «Жұлдызай» қайырымдылық инклюзивті балалар шығармашылығы фестивалі өтеді. Ерекше білім берілу қажеттілігі бар балаларға арналған еліміздегі жалғыз инклюзивті балалар шығармашылығы фестивалі бола отырып, ол дәстүрлі түрде өз сахнасында 300 ерекше қатысушыны жинайды.
Гала-концерт 1 маусымда Түркістан қаласындағы Конгресс холл сахнасында 162 ерекше баланы біріктіреді. Лауреаттар бірлескен нөмірлер ретінде өнер көрсетеді, сондай-ақ қазақстандық эстрада жұлдыздарымен шығармашылық нөмірлер ұйымдастырылады. Гала-концертке Мәдина Сәдуақасова, Тамара Асар, C. C. Tay, Азат Әбілдаев, Әлинұр Хамзин, Рухия Байдукенова, Қарақат Башанова, FM тобы, Hassak, Qali, Бастау тобы, Beibarys және Rise&Abudi сияқты эстрада жұлдыздары қатысады.
«Жұлдызай» Күн жүйесі жыл сайын өзінің айналасына жарқын жұлдыздарды жинап, үлкен қарқын алуда. Ал Жұлдызай командасы биыл қасиетті Түркістан қаласы аспанының үстінен от шашады! Концерттің мақсаты — ерекше балалардың шығармашылығы арқылы өнердің шекарасы жоқ екенін дәлелдеу және «таланттардың ерекше әлемін» көрсету.
Жобаның бас серіктесі «BI Group» холдингі, ал ақпараттық серіктесі «Хабар» Телеканалы болып табылады. Фестиваль 17 жыл бойы демеушілердің қайырымдылық қаражатына және серіктестердің қолдауымен өткізіліп келеді.
