ЗАУЫТТАРДАН АУА СЫНAМАСЫ АЛЫНДЫ

Өндіріс өркендеген сайын экологияға түсетін салмақ та арта түседі. Дегенмен зауыттардан тарайтын қалдықтар мен ауа сапасы – назардан тыс қалмауы тиіс мәселе. Осыған орай қаладағы екі кәсіпорында баспасөз туры өтіп, индустриялық аймақтардың жұмысы зерделенді. Дәлірек айтсақ, арнайы мамандар өндіріс орындарынан ауа сынамаларын алды.

Өндіріс орындарының экологияға әсері қалай бағаланады? «Эко Шина» зауытында осы сауалға жауап іздеген сала өкілдері арнайы мамандарды шақырып, ауа сынамасын алды. Нәтижесінде көрсеткіш 0,007-ні құраған.

Мамандардың айтуынша, бұл – қалыпты көрсеткіш. Ал рұқсат етілген мөлшерден асып кеткен жағдайда кәсіпорын заң аясында белгіленген тәртіппен айыппұл арқалайды. Қалай десек те, ауа сапасына қатысты нақты қорытынды жасау үшін сынама нәтижесін тиісті нормативтермен салыстыру маңызды.

Баспасөз туры барысында мамандар түтін шыққан жерден де ауа сынамасын алды. Нәтижесінде азот оксидінің мөлшері қалыпты болғанымен, күкірт диоксидінің көрсеткіші белгіленген нормадан асып түскен. Бұл – ауа тазалығына алаңдауға негіз барын аңғартады. Ал келесі кезекте «Стандарт» индустриялық аймағына бардық.

Алайда мұнда өндірістен шыққан түтін жақын маңдағы тұрғындардың шағымына себеп болған.

Экология департаменті өкілінің айтуынша, мамандар ауа сапасына тұрақты мониторинг жүргізіп келеді. Биылдың өзінде 38 тексеру жүргізіліп, рұқсатсыз шығарындыларға жол берген төрт мекеменің жұмысы сот шешімімен уақытша тоқтатылған. Ал тұрғындардың түтінге қатысты шағымына сала маманы былай деп жауап берді.

Қалай десек те, тұрғындардың шағымы аяқсыз қалмауы тиіс. Осыған байланысты департамент алдағы уақытта жоспардан тыс тексеру жүргізуді көздеп отыр. Ендігі кезекте сол тексерудің нәтижесі мен қабылданатын шаралар маңызды.