СПОРТТАҒЫ ЗАҢ МЕН ТӘРТІП

Қауіпсіз қоғам – заңға құрмет пен тәртіптен басталады. Азаматтың құқығы қорғалып, міндеті айқын болған жерде тұрақтылық та берік болады. Осы бағытта Ата заңға енгізіліп жатқан өзгерістердің мәні мен маңызы Шымкент қаласының спорт саласы қызметкерлеріне түсіндірілді. Кездесуде «Заң мен тәртіп», «Адал азамат» қағидаттарының қоғам өміріндегі рөлі кеңінен сөз болды.

Сондай-ақ конституциялық өзгерістердің негізгі бағыттары таныстырылып, заң талаптарын сақтау мен азаматтық жауапкершіліктің маңызы айтылды. Өйткені заң мен тәртіп – тек мемлекеттік ұстаным емес, бұл – қауіпсіз Қазақстанды қалыптастыруға әр азаматтың қосар үлесі.

Заң мен тәртіп – әрбір азаматтың күнделікті өмірінен басталады. Өз құқығы мен міндетін білу, заң талаптарын сақтау – жауапты азаматтың басты қағидасы. Ал спорт – тәртіп пен жауапкершілікті қалыптастыратын маңызды орта. Жаттығу барысында шыңдалған табандылық, төзімділік пен өзін-өзі бақылау күнделікті өмірде де өз нәтижесін береді. Бүгінде жастарды спортқа тарту – салауатты өмір салтын қалыптастырып қана қоймай, оларды адалдыққа, сыйластыққа және жауапкершілікке тәрбиелеудің тиімді жолы.

Өйткені тәртіпке бағынған спортшы қоғам алдындағы жауапкершілігін сезінетін азамат болып өседі. Заң мен тәртіп – қоғам тұрақтылығы мен ел қауіпсіздігінің басты тірегі. Кездесу барысында спорт саласының мамандарына заңнамалық өзгерістер мен «Адал азамат» қағидаты кеңінен түсіндірілді. Әр азаматтың заңды білуі, өз құқығы мен міндетін түсінуі – құқықтық мәдениетті қалыптастырудың маңызды қадамы. Ал тәртіп пен жауапкершілік тек спортта ғана емес, бүкіл қоғам өмірінде де басты орында тұруы тиіс.