1937-38жылдары қазақтың бірнеше ұлт зиялылары отанға опасыздық жасады деген жалған айыппен қуғын сүргіннің құрбаны болды. Салдарынан бірнеше жазықсыз жандар жапа шекті. Зұлмат кезеңді еске алу мақсатында,Шаһар өкілдері мен ардагерлердің қатысуымен,«Тарих. Тағылым. Тұлға» атты тарихи танымдық ғылыми-тәжірибелік конференциясы өтті.
Жыл сайын үшінші мегаполисте саяси қуғын-сүргін құрбандарын еске алу күні атап өтіледі. Соның бірі Тарих. Тағылым. Тұлға» атты тарихи танымдық ғылыми-тәжірибелік конференциясы өтіп,шара барысында Қазақстандағы аштық пен саяси қуғын – сүргін құрбандары жайлы заманауи зерттеулердің көркем туындыларынан көрме жұмысы және деректі фильмдер ұсынылды.Аталған жиынға қатысқан қазақстанның құрметті судясы Бекет Тұрғараев жазықсыз болған боздақтар,ел қайраткерлерінің есімін бүгінгі ұрпақ білуі тиіс дейді.
іс-шараға, Ардагерлер, зиялы қауым өкілдері, ЖОО, колледж студенттері, кітапханашылар, архив және музей қызметкерлері,белсенділік танытты.Жиынның мақсаты жастарға Қазақстандағы аштық пен қуғын – сүргін зардаптары жайлы түсіндірме жұмыстарын жүргізу.Отан сүйгіштікке патриоттық сезімін оятып, бабалар аманатын және ұлттық құндылықтарды насихаттау.
Естеріңізге сала кетейік Қазақстанда 125 мыңнан астам адам қуғынға ұшырап, 25 мың азамат ату жазасына кесілді. Жазықсыз жазаланғандардың қатарында Ә. Бөкейхан, А. Байтұрсынұлы, М. ҰхамеджанТынышбаев, М.іржақыпДулатұлы, Т. Рысқұлов, М. Жұмабаев, С. Сейфуллин, І. Жансүгіров, Б. Майлин, сынды қайраткерлер мен ұлт зиялылары бар. Қуғын-сүргінге ұшыраған азаматтардың отбасыларыда Ақмола облысында орналасқан «АЛЖИР» лагерінде азапталды. Араға жылдар салып еліміз тәуелсіздік алған жылдары Алаштың ардақты азаматтарының есімі ақталды. 1993 жылы «Жаппай қуғын-сүргін құрбандарын ақтау» туралы қабылданған Заң кеңестік жүйенің саясатымен жазықсыз жапа шеккен мыңдаған азаматтың есімін су бетіне шығарды.
