Металлургтер саябағы сәулет өнерінің бірегей ескерткіштерін сақтап қалған қаладағы қызықты тарихи орындардың бірі болып саналады. Саябақ 30-шы жылдары Қорғасын зауытының қызметкерлері үшін салынған Қорғасын қалашығының ауданында орналасқан. Егер Сіз кеңес дәуірінің тарихына жанасқыңыз келсе, онда Сіз міндетті түрде саябақпен серуендеп, Владимир Ильич Лениннің құрметіне арналған үлкен ескерткішті, Шымкент қаласындағы пролетариаттың көсеміне арналған жалғыз ескерткішті көруіңіз керек. Сондай-ақ саябақта кеңес дәуіріндегі сәулеттік өнердің жарқын бейнесі — бұрынғы Мәдениет сарайы да орналасқан. Қайта жаңартудан кейін саябақ қайтадан дүниеге келгендей: жайлы орындықтар, түнгі жағымды жарықтандыру саябақтың табиғи сұлулығына тамаша қосымша болды. Бүгін де қала әкімі Мұрат Әйтенов заманауи талапқа сай бой көтерген “Металлург” стадионының аяқталу сатысындағы реконструкциялық жұмыстарын тексерді. Құрылысшылар спорт залдарының ішкі әрлеу, сыртқы абаттандыру жұмыстарын жүргізуде. Жоспарға сәйкес мұнда 1504 орындық трибуна, командалық ойындарға арналған 480 орындық спорт зал, 62 орындық спортшылар үйі, әкімшілік корпус қарастырылған.
“Нысан қаламызда бұқаралық және кәсіби спортты дамытуға мүмкіндік береді. Стадион жанында 60 адамға арналған қонақүй қарастырылған. Мұнда республикалық маңызы бар жарыстар, түрлі спорттық шаралар ұйымдастыруға барлық жағдай жасалады” – деді қала әкімі.
М.Дүйсенбекұлы стадионды Халықаралық балалар күнінде қолданысқа беріп, үш жыл қатарынан өтіп жатқан Жастар Лигасының финалдық кезеңдерін өткізуді ұйымдастыруды тапсырды.