Жасөспірімдер арасында құмар ойындарға тәуелділікті анықтауға арналған «Такер» тесті өтті. Оған 18 мыңнан астам 9-11 сынып оқитын мектеп оқушылары қатысты. Сынаққа қатысушы жасөспірімдердің 80% ға шуығы яғни 13 мыңнан астам бала жасыл аймақты көрсеткен. Бұл дегеніміз, 13 мың оқушының құмар ойындарға әуес емес екенін, компьютерлік ойындарға қарсы әрекеттің белгісін көрсетті.Ал сары аймаққа жасөспірімдердің 19,6 пайыз түсті. Ал, ең аз көрсеткіш қызыл аймаққа түскен сынаққа қатысушы оқушылар болды. Нәтежиесі 2,8 пайыз. Демек, жүйелі жұмыстар жүргізілсе толық жасөспірімдерді құмар ойындардан сақтай аламыз.
2022 жылдың қортындысы бойынша Қазақстанда 157 мыңнан астам қылмыстық құқық бұзушылық тіркелсе, оның 20 %-ы немесе 31 мыңнан астамы құмар ойындар негізінде жасалған. Ал өткен жылғы статистикалық деректерге сәйкес 3 676 суицид фактісі тіркелсе, оның әрбір бесіншісін құмар ойынға әуес адам жасаған. Ал осы ойындарды ұйымдастырып, бәс тігу бойынша ұлттық статистика бюросінің көрсеткен қызметтердің көлемі бойынша берген нәтежиесі: 2020 жылы – 89,7 млрд теңге; 2021 жылы – 501,2 млрд теңгені құрайды. Яғни, соңғы үш жылда біздің азаматтар құмар ойындарға 1 трлн. теңгеден астам қаражат жұмсаған.
Осындай статистикаларды ескере отырып қала әкімінің тапсырмасына сәйкес қалалық Білім басқармасы, Полиция департаменті, Төтенше жағдайлар департаменті, Денсаулық сақтау басқармасы, аудан әкімдіктері және психологиялық орталықтар бірлесіп, кәмелет жасқа толмағандардың құқығы мен қауіпсіздігін қорғауда арнайы жұмыстарды жүйелі жүргізіп келеді.
Бүгінде үшінші мегаполисте кәмелетке толмағандардың істері және олардың құқықтарын қорғау комиссиясы бар. Жасөспірімдердің құқығын қорғау бағытында 56 мүше жұмыс атқарады. Олар ата-ана құқығынан айыру, бейімдеу немесе девиантты балалар орталығына жіберу, кешкі мектепке орналастыру және білім беру ұйымдарының есебін тыңдау негіздерін алдыға ала отырып жұмыс істейді.
Сондай-ақ Шымкент қаласының білім беру ұйымдарында 320-дан астам тәрбие жөніндегі орынбасар, 170-ке жуық әлеуметтік педагог және 270-ке жуық педагог-психолог қызмет атқаруда.
Үшінші мегаполисте жалпы саны 233 мектеп бар. Барлық білім ордаларында медиация кабинеттері ашылған, тәрбие жұмысын дамыту мақсатында «Ата-аналар академиясы» бекітілген. Ал білім басқармасы жанынан психологиялық-педагогикалық қызмет, тәрбие беру орталықтары құрылған. Тelegram желісіндегі чат пен сенім телефондары тұрақты түрде жұмыс жасауда.
Балаңыздың интернет желісінде немен айналысатына көңіл аударыңыз.