Елімізде ерекше күтімді қажет ететін балалар саны 100 мыңға жуықтаған. Сондықтан да ана мен бала денсаулығы әрқашан басты назарда. Әсіресе, жүйке жүйесі ауруларына шалдыққан, есту, көру мүшесінде кемістігі бар және аутизм, жүре алмайтын бүлдіршіндердің саулығына бағытталған шаралар көп. Денсаулық сақтау министрінің штаттан тыс балалар реабилитологы Шолпан Бөлекбаева Шымкент қаласындағы оңалту орталығына барып, жұмысымен танысты.
Ал қаламыздағы балалардың тең жартысы нөмірі 2 оңалту орталығына барып ем қабылдауда. Денсаулық сақтау министрінің штаттан тыс балалар реабилитологы Шолпан Бөлекбаеваның келудегі мақсаты — балалардың емдік оңалту жұмыстарымен қамтылуын бақылау болатын.
Отандық дәрігерлер балаларды оңалтумен шама-шарқынша айналысып жатыр. Ал мұндп балаларды оңалтудың заманауи тәсілдері қолданылып келеді. Тірек-қимылы нашар бүлдіршіндер орындарынан тұрып, алғашқы қадамдарын да жасап келеді.