6-ақпанан бастап қоғамдық көлікте жол ақысын төлемесеңіз, 6900 тг айыпқұл арқалайсыз. Қоғамды Кондукторсыз жүйе біраз әбігерге түсірді.
Күні кеше атқамінерлер кондукторсыз төлем жүйесінің қалай жүзеге асып жатқанын бақылап, сұрақ жаудырған жолаушылар сауалдарына жауап берді. Бірнеше маршуттарға ауысқан Мақсұт Исахов пен автопарк басшылығы валидаторлардың жұмыс істеп ісемейтіні, Qr кодтардың автобустарға ілініп ілінбегені тексерілді. Егер маршут ішінде жолаушыларға жол ақысын төлеуге жағдай жасалмаса, Qr кодтар ілінбесе, қолма қол төлем жасалған жағдайда чек берілмесе автопарк басшылығына айыпқұл салынуы керек дейді-Мақсұт Исахов.
1-наурыздан бастап қаладағы барлық бағыттағы қоғамдық көліктер жолаушыларға кондукторсыз қызмет көрсете бастады. Шаһарда «Кондукторсыз жүйе» жобасы өткен жылдың тамызында қолға алынған болатын. «Айкөмек-109» орталығына түсетін арыз- шағымдардың басым бөлігі қоғамдық көліктердегі кондукторлардың жұмысына қатысты болды. Автобустарда жолаушыларды қолма-қол ақша төлеуге мәжбүрлеу, кешкі уақытта валидаторларды өшіріп қоюға қатысты көптеген шағымдар түскен. Жағдайды түзету үшін қалалық маршруттарда кондукторсыз жүйеге кезең-кезеңімен көшіп келеді. Жаңа жүйеге сәйкес, енді автобуста кондукторлар мүлдем болмайды. Бұл дегеніміз, жолаушы өзі жолақысын қолма-қол, «Tolem» картасы, SMS код немесе QR-код арқылы төлей алады. Нақты цифрларға тоқталған Мақсұт Исахов кондукторсыз төлем енгізілгелі бергі сандарды тізбектеді.
Бір апта көлемінде бақылаушылар саны 108нен 120 тексерушіге дейін көбейтілген. Оның ішінде жұмыстан босаған кондуктор өз еркімен бақылаушы болып қайта жұмысқа тұра алады немесе жұмыспен қамту орталығының көмегіне жүгінугеде болады. Күнделікті жүргізілетін рейдтік шара кезінде жол ақысын төлеуден жалтарған азаматтарды анықтаған жағдайда, полиция қызметкерлерінің қатысуымен жолаушыларға әкімшілік хаттама толтырылады.
