ЖАС МАМАНДАР ЖҰМЫСПЕН ҚАМТЫЛАДЫ

Шымкент көлік колледжінде «Жұмыс берушілер күні» шарасы өтті. Жиынға темір жол саласы мекемелерінің басшылықтары қатысып, оқу ордасының материалдық-техникалық базасымен танысты. Кездесуде жас кадрларды жұмыспен қамту жолдары талқыланып, оларды даярлау мәселелері сөз болды.

Басқосуда жас мамандарды жұмысқа қабылдау механизмі сөз болды. Техникалық және кәсіптік білім саласы бойынша оқып жатқан болашақ маман иелерінің жұмысқа орналысу барысындағы жұмыс берушілердің рөлі айқындалды. Жиынға темір жол саласындағы мекемелердің басшылықтары қатысты. Іс-шараның мақсаты — жұмыс берушілермен кадрлар даярлау сапасын арттыру және түлектерді жұмыспен қамту бойынша ынтымақтастықты дамыту болып отыр. Колледж директорының сөзінше, аталған оқу орнын бітірген мамандардың 90 пайызға жуығы міндетті түрде жұмыспен қамтылады. Бұл ретте 2022-2023 жылғы оқу жылында 175 студент жас маман иесі атанбақ.

Кездесу барысында, 8 жұмыс беруші мекеме басшылықтары колледждің ішкі жай күйімен танысты. Оқу ордасы қажетті компьютерлік жабдықтармен,  техникалық базамен толықтай қамтылған. Темір жол саласының болашақ қызметкерлеріне арнайы бөлімше мен олардың мұқтаждықтарына қарай LED экран сынды құрылғылар орнатылған. Жүздесуде, қонақтарға темір жол вокзалы мен пойыздардың макеті көрсетіліп, студенттерді оқыту-өндірістік базасы таныстырылды. Бұл ретте, жаңа материалдық-техникалық база еңбек нарығындағы сұранысқа ие білікті кадрларды даярлауға мүмкіндік беретіні сөзсіз. Жиын соңында колледж басшылығы мен темір жол саласы мекемелерінің өкілдері өзара ынтымақтастықты нығайтып, білікті мамандарды жұмыспен қамтуда ортақ келісімге сай келіссөздер жүргізілетінін атап өтті.