Елімізде күзгі әскерге шақыру науқаны аяқталды. Бұл ретте Шымкент қаласы бойынша 600-жуық болашақ сарбаздар отан алдындағы борышын өтеуге аттанды. 18- бен 27 жас аралығындағы әскерге баруға міндетті жастарды туған-туыстары жолға шығарып салып, парызын өтеушілерге сәттілік тіледі.
Әскери борыш-абыройлы міндет. Отан алдындағы борышын өтеуге әрбір азамат міндетті. Себебі туған жерді,елді, атамекенді қорғау қасиетті борыш. Бұл дегеніміз- батырлық пен табандылық, отансүйгіштік пен Отанға шексіз қызмет етудің нышаны. Осындай қасиетті де қастерлі парызын өтеу мақсатында әскерге аттанғандардың бірі — Сұлтан Тұрмысбек. 1999 жылы туылған. Бәйдібек ауданының тумасы. Ол бойындағы жігері мен күшін отан алдындағы борышына жұмсап қана қоймай, өзін моральдық тұрғыдан шыңдап, физикалық қабілетін арттыру ниетінде аттанбақ. Айтуынша, «Отын үшін отқа түс, күймейсің!» деген өшпес өсиетті арқау етіп, әскери міндетті абыроймен атқаратынына сенімді. Себебі, елімізде бейбітшілік пен тұрақтылықтың орнауы, көк аспанымыздың жарқырауы жас өрендердің патриоттық міндеттеріне тікелей байланысты. Айта кетсек, Жалпы Шымкент қаласы бойынша күзгі мерзімді әскерге 600-жуық 18 бен 27 жас аралығындағы міндеттелген жастар шақырылған. Бұл ретте әскери бөлімдерді жасақтау экс-ааумақтық және аумақтық қағидаттары бойынша жүзеген асып отыр. Бөлу кезінде шақырылуға дейінгі болашақ сарбаздардың алған мамандықтары, дене және моральдық-психологиялық дайындықтары ескерілген.
