СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ЖӨНІНДЕГІ ВЕДОМСТВОАРАЛЫҚ КОМИССИЯ ОТЫРЫСЫ ӨТТІ

Сыбайлас жемқорлыққа қарсы іс-қимыл Агенттігі Превенция қызметінің басшысы Саян Ахметжанов Шымкентке жұмыс сапарымен келді. Ол алғашқы күн тәртібінде М.Әйтеновтың төрағалығымен өткен Сыбайлас жемқорлыққа қарсы іс-қимыл жөніндегі комиссиясы мен қалалық қоғамдық кеңесінің бірлескен отырысына қатысты.

Комиссия жұмысына мемлекеттік органдардың бірінші басшылары, қоғамдық кеңестің құрамы, депутаттық корпус, сондай-ақ, Агенттіктің Қоғамдық кеңесінің мүшесі – Кәкімжан Башимов және оның әріптестері қатысты. Жиында алдымен Шымкент қаласы Сыбайлас жемқорлыққа қарсы қызметінің басшысы Шаттық Өтеев сөз алып, Департаменттің ағымдағы жылғы жұмысының қорытындылары туралы баяндады. Одан бөлек, мемлекеттік органдардың жұмысында айқындалған сыбайлас жемқорлық схемаларын атап өтіп,жер және тұрғын үй комиссиялары жұмысының, халыққа көрсетілетін мемлекеттік қызметтердің және жер қатынастары саласындағы ашықтықты қамтамасыз ету қажеттігін тілге тиек етіп, алдағы уақытқа белгіленген жоспарлар туралы баяндады.

Өз кезегінде, Сыбайлас жемқорлыққа қарсы іс-қимыл Агенттігі Превенция қызметінің басшысы Агенттіктің сыбайлас жемқорлыққа қарсы саясатын іске асырудағы жаңа тәсілдері туралы хабарлады. Халықты толғандыратын салалардағы сыбайлас жемқорлық тудыратын жағдайларды жою мақсатында республиканың әрбір өңіріне арнайы бекітілген сыбайлас жемқорлық тәуекелдерінің картасын тізбектеп, Бұдан былай сыбайлас жемқорлыққа қарсы қызмет бөлімшелерінің жұмыс нәтижелері  проблемалық салалардағы азаматтар мен мемлекет үшін пайдалы әрекет коэффициенті негізінде бағаланатынын айтты.

Жиын барысында, Қала әкімі Мұрат Әйтенов сыбайлас жемқорлыққа қарсы іс-қимылдағы принципті ұстаным билік органдарының барлық басшыларына қатысты екенін атап өтті. Бұл бойынша қала әкімінің орынбасары Шыңғыс Мұқан Шымкент қаласы әкімдігі тарапынан сыбайлас жемқорлықтың тәуелдерін жою бойынша қолға алынған іс-шараларды баяндап, оның алдын алу саясатындағы 2021-2023 жылдарға арналған өңірлік жоспарлармен бөлісті.

Бірқатар баяндамалардан соң, Қалалық Қоғамдық кеңес мүшесі Жанысбек Өтеген  кеңес мүшелерінің аталған жағдаймен бірге атсалып, күресу мақсатында әкімдікке еркін кіру құзыретін беру қажеттігін атты. Сөзінше, айына 1-рет қана болатын болатын басқосу кезінде ғана әкімдікке кіре алады. Ал басқа уақытта мүмкіндік қарастырылмаған. Басқосу соңында қала әкімі аппаратқа және әкімдіктің бейінді басқармаларының басшыларына хаттамалық нұсқаулар беріп, оның ішінде сыбайлас жемқорлық тәуекелдерін анықтау және жою бойынша нәтижелер болмағаны үшін жауапкершілік бар екенін ескертті.