БІЛІМ БЕРУ ТЕХНОЛОГИЯСЫНЫҢ ЖЕТІСТІГІ

  Қаламыздағы білікті мамандарды даярлауда Оңтүстік Қазақстан мемлекеттік педагогикалық университетінің үлесі айырықша. Бүгінде жаңа технологияларды қолданып, практикамен ұштастырып жүрген студенттер соңғы үлгідегі білімді игеруде. Оның айғағы аталмыш оқу ордасындағы физика-математика бағыты бойынша білім алатын шәкірттердің жетістіктері. Олар қысқа мерзім ішінде ақылды технологияларды құрастырып, игіліктеріне қолданған.

Шымкентте STEM пәндерін ілгерілету тақырыбының аясында конференция өтті. Игі шара ОҚМПУ-да физика-математика факультетінің ұйытқы болуымен жүзеге асты. Студент жастарға STEM технологияның маңызы орасан. Себебі жаңа бағдарлама арқылы бірнеше пәнді ұштастыра отырып, болашақ кәсіптің іргетасын қалауға болады. Бүгінде аталмыш оқу ордасында 800-ге тарта жас жаратылыстану пәндері бойынша білім алуда.

Аталмыш шараға Шымкент қаласы Аманат партиясының өкілдері қатысып, білім беру саласындағы технологияның жетістіктерімен жете танысты. Алқалы жиында мемлекет басшысы Қ.Тоқаевтың бірінші қыркүйектегі жоладауын жеткізіп, онағы жастарға қатысты айтылған тың ақпараттармен студенттерді құлақтандырды.

Цифрлық сауаттылықты арттыру қоғам қажеттілігі. Бәсекеге қабілетті мемлекет болу үшін заманауи технология жетістіктерін меңгеріп, ұрпақ тәрбиелеуде жаңаша тәсілдерді қолдану — бүгінгі басты талап.Осындай ұстанымды ту еткен оқу ордасы соңғы технологиялардан шеткері қалмай, студент жастарына сапалы білім, саналы тәрбие беруде.