ҚАРИЯЛАРҒА ҚҰРМЕТ КӨРСЕТІЛДІ

Бірінші қазан халықаралық қарттар күні. Осындай айтулы датаға орай қаламыздың мәдениет және тілдерді дамыту, архивтер басқармасының бастамасымен мерекелік кеш ұйымдастырылды. Салтанатты жиын Чапаевка тұрғын алабында орналасқан №2 арнайы әлеуметтік қызмет көрсету орталығында өтті.

Халықаралық қарттар күнін -1990 жылы 14 желтоқсанда БҰҰ Бас ассамблеясында бекілітіп, жарияланды. Сондан бері бұл мереке елімізде жыл сайын бірінші қазанда аталып өтіледі. Жылына бір келетін атаулы күнді егде жастағы қамкөңіл жандар асыға күтетіні де жасырын емес. Осыған орай қаламыздың мәдениет және тілдерді дамыту, архивтер басқармасының бастамасымен салтанатты кеш ұйымдастырылды. Оған қалалық мәдениет үйінің өнер майталмандары келіп, қариялардың көңілін көтерді.

№2 арнайы әлеуметтік қызмет көрсету орталығының директоры Шарбат Шырынбекованың айтуынша мұндағы қариялар мен мүмкіндігі шектеулі жандарға қолайлы жағдай жасалған.Олар төрт мезгіл ыстық тамақ ішіп, бос уақыттарында кітап,газет оқып,теледидар қарайды.Сондай-ақ денсаулықтарына да ерекше күтім жасалады.

Сексеннің сеңгіріне шыққан Бейімбет Таймасовтың аталмыш орталықты паналап жүргеніне бір жылдан асқан. Өмірлік жан жары мен туған ұлының мезгілсіз қазасы қарияның жанына қатты батады. Ұзақ жылдар бойы жалғыздықта жапа шегіп, көңілі күпті болған азамат өз қалауымен қарттар үйінің тұрғынына айналған.

Қария — ағып жатқан дария, телегец теңіш іспеттес.»Қарты бар елдің қазынасы бар» деген асыл сөзді халқымыз бекер айтпаса керек.Қай кезде де халқының тілеуін тіліеп, жұртына қамқор болатын қарттарымыз аман болсын!