Халықтың денсаулығы — ел байлығы. Тұрғындарды сапалы әрі қолжетімді медициналық қамтамасыз ету мемлекеттің басты ұстанған қағидасы. Үшінші мегаполисті жер аумағымен қоса халықтың санының өсуі мұндай қызметке зәру. Сондықтан да мемлекет тарапынан бөлек инвесторларды тарту арқылы медициналық қызмет көрсету нысандарын салу арқылы мәселенің түйіні шешіліп келеді. Сондай-ақ, жекешелік-әріптестік аясында да тұорғызылған мекемелер елдің сұранысын қанағаттандыруда. Жуырда инвестор есебінен Тоғыс елді мекенінде «Togus-med медицина орталығы» ашылды.Заман талабына сай ашылған орталық 15 000-нан астам халыққа қызмет көрсетуге қауқарлы.
Нәтижесінде медициналық қызметпен қамтылатын елдімекендер — Тоғыз, Елтай, Жыланбузған, Маятас, Айнатас.
Орталықтың салтанатты ашылуына арнайы келген шаһар басшысы халықтың әлеуметтік әлеуеті жақсаратынын жеткізді. «Медициналық орталық бұл елдімекендерге жақын орналасқан. Қалаға әуре болмай-ақ қызметтің басым бөлігін осында алуға болады.
Бұл өз кезегінде халыққа сапалы медициналық қызметтің қолжетімділігін арттырады»-деді шаhар басшысы.
Халықтың денсаулық жағдайы қоғам дамуының, мекемелердің тиімді жұмысының маңызды сипаттамасы болып табылады. Сонымен қатар, денсаулық әртүрлі нүктелерден өлшенетін күрделі көп қырлы құбылыс.
Орталықтың бір ауысымдағы сиымдылығы — 200 адам.
Мұнда бастапқы әлеуметтік-медициналық көмекпен бірге, (ересектер мен балаларға)
ЖТД, педиатрия, акушер-гинекология, хирургия, травматология, кардиология, эндокринология, онкология, урология, гастроэнтерология, ЛОР, офтальмология, стоматология, ревматология, профпатология, неврология, дерматовенерология;
— Медициналық реабилитация және физиотерапия, емдік физкультура, массаж;
— Диагностикалық қызметтер: Рентген, флюрография, УЗИ, ЭКГ, ЭЭГ, Холтер, Спирография, Лаборотория;
— Күндізгі стационар болады.
Рентген, флюрография, УЗИ, ЭКГ, ЭЭГ, холтер, спирограф тағы да басқа заманауи аппараттармен жабдықталады.
Жаңа емханда ашылғанда алғашқы медициналық-санитарлық көмектің тиімділігі жақсарып, пациенттер уақтылы, толық және сапалы тексеру және амбулаториялық немесе күндізгі стационар жағдайында ем қабылдайтын болады.
