«Таза қала» акциясы біздің қаламызда 2012 жылдан бастап, дәстүрлі түрде өтіп келеді. 9 миллион теңгеден басталған науқанға 2019 жылы 6 миллионнан астам теңге бөлінсе, биыл 4 миллион 300 мың теңге жобаланып отыр. Жарысқа Шымкент қаласының тұрғындары жасына, кәсібіне, жынысына шектеусіз қатысуға шақырылады. Шымкент қаласының Ішкі Саясат және жастар ісі басқармасының тапсыруымен өтілетін шараға қаланың 4 ауданының тұрғындары толық қатыса алады.
Дәстүрлі шарада өткен жылы 1115 адам қатысып, 76 жеңімпаз анықталса, 2022 жылғы жоспарлар мен талаптарға сәйкес 5 номинацияға сәйкес 15 жеңімпаз болады. Маусым айының 31-не дейін бәсекенің әділ өтуіне жауапты 7 адамнан тұратын комиссия мүшесі анықталып, өтінімдер қыркүйек айының соңына дейін қабылданбақ. Өткен жылдармен салыстырғанда ағымдағы жылдың тапсырыс сомасы 17%-ға азайған. Акцияның жеңімпаздары ұйымдастырушылардың қазан айындағы кезекті 2 отырысынан соң анықталып, марапатталады. Тапсырыс берушілердің талабы бойынша осы жылғы жеңімпаздарға сыйақы ақшалай түрде емес, сыйлық түрінде берілетіндігін хабарланды. Толық ақпаратпен арнайы әлеуметтік желілер арқылы танысып, жүргізіліп жатқан жұмыстарды көзқарақты көрермен ашық түрде бақылай алады. Жеңімпаздарға арналған сыйлықтарға бөлінетін қаражат 3 млн 300 мыңды құрайды.
Шымкент қаласын экологиялық таза қалаға айналдыру мақсатында өткізілгелі жатқан шараның ұйымдастырушылары Шымкент қаласының Азаматтық Альянсы. Наурыз айынан басталуы тиіс шара «ештен кеш жақсы» дегендей маусым айының ортасынан бастау алмақ. Айта кетейік, 1 орын жеңімпазы Шымкент қаласы әкімдігінің мадақтамасымен марапатталып, теледидар иеленсе, 2-3 орынға бағалы телефон сыйлау жоспарланып жатыр.
