Шымкент қаласы мәслихатының кезекті он алтыншы сессиясы өткізілді.
Сессияны мәслихат хатшысы Бахадыр Нарымбетов жүргізіп, регламентке сәйкес күн тәртібіне енгізілген 13 мәселені қарады.
Олар:
1. Шымкент қаласын көгалдандыру жұмыстары және экологиялық мәселелерді реттеу шаралары туралы;
2. «Жергілікті мемлекеттік-жекешелік әріптестік жобаларының тізбесін бекіту туралы» 2018 жылғы 21 қыркүйектегі №37/291-6с Шымкент қаласы мәслихатының шешіміне өзгеріс енгізу туралы;
3. Шымкент қаласы инфрақұрылымын дамыту бағытында атқарылған жұмыстар туралы;
4. Шымкент қаласында бағаны тұрақтандыру бағытында атқарылған жұмыстар туралы;
5. «Шымкент қаласында ортақ су пайдалану қағидаларын бекіту туралы» 2019 жылғы 29 наурыздағы №47/382-6с Шымкент қаласы мәслихатының шешіміне өзгерістер мен толықтырулар енгізу туралы;
6. Шымкент қаласында шетелдіктер үшін туристік жарна мөлшерлемесін бекіту туралы;
7. «Шымкент қаласы әкімдігінің дербес құрамын келісу туралы» 2021 жылғы 1 сәуірдегі №4/31-VII Шымкент қаласы мәслихатының шешіміне өзгерістер енгізу туралы;
8. «Шымкент қаласы әкімдігінің жанындағы құқық бұзушылық профилактикасы жөніндегі ведомствоаралық комиссияның дербес құрамын бекіту туралы» 2018 жылғы 21 қыркүйектегі №37/294-6с Шымкент қаласы мәслихатының шешіміне өзгеріс енгізу туралы;
9. «Шымкент қаласы әкімдігінің жанында «Бизнес Шымкент» өңірлік үйлестіру кеңесінің дербес құрамын бекіту туралы» 2018 жылғы 27 шілдедегі №35/282-6с Шымкент қаласы мәслихатының шешіміне өзгерістер енгізу туралы;
10. «Шымкент қаласының Экспорт жөніндегі өңірлік кеңесінің дербес құрамын бекіту туралы» Шымкент қаласы мәслихатының 2019 жылғы 5 наурыздағы №45/358-6с шешіміне өзгерістер енгізу туралы;
11. «Шымкент қаласы әкімдігі жанындағы жастар саясаты жөніндегі кеңестің құрамын бекіту туралы» 2021 жылғы 18 наурыздағы №3/23-VII Шымкент қаласы мәслихатының шешіміне өзгеріс енгізу туралы;
12. «Жетінші шақырылымдағы Шымкент қаласы мәслихатының тұрақты комиссияларының мүшелерін сайлау туралы» 2021 жылғы 15 қаңтардағы №1/5-VII Шымкент қаласы мәслихатының шешіміне өзгерістер енгізу туралы;
13. Шымкент қаласы мәслихатының кезекті сессиясының өткізілуін жоспарлау туралы.
Сессияға қала әкімі М.Әйтенов, қала әкімдігінің мүшелері, аудан әкімдері, басқарма басшылары мен БАҚ өкілдері қатысты. Күн тәртібіндегі мәселелер бойынша тиісті сала басшылары баяндама жасады. Өз кезегінде депутаттар бір қатар сауалдар қойып, тиісті шешімдер қабылдап, күн тәртібіндегі барлық мәселелер бір ауыздан қолдау тапты. Жиын соңында қорытынды сөз алған қала әкімі Мұрат Дүйсенбекұлы мегаполистің дамуына сүбелі үлес қосатын шешімдердің қабылдануына қолдау жасағандары үшін депутаттар корпусына алғыс білдіріп, бірлесіп қаланың өркендеу бағытында нәтижелі жұмыс атқарылатынына сенімді екенін жеткізді.
